జపాన్ ప్రధానికి 'పౌర సెగ'- భారత పర్యటన రద్దు!
మూడు రోజుల భారత పర్యటనను జపాన్ ప్రధానమంత్రి షింజో అబే రద్దు చేసుకోవాలని భావిస్తున్నట్లు సమాచారం. పౌరసత్వ చట్ట సవరణపై ఈశాన్య భారతంలో తీవ్ర స్థాయి నిరసనలే ఇందుకు కారణంగా తెలుస్తోంది.
అసోం గువాహటిలో ఈనెల 15 నుంచి 17 వరకు వార్షిక ద్వైపాక్షిక సదస్సులో భాగంగా భారత్, జపాన్ ప్రధానులు భేటీ కావాల్సి ఉంది. అయితే.. గువాహటిలో భద్రతా పరిస్థితులు క్షీణించినందున భారత పర్యటను రద్దు చేసుకోవాలని అబే భావిస్తున్నట్లు జపాన్ మీడియా పేర్కొంది. వార్షిక సదస్సు నిర్వహణపై ఇరుదేశాలు చివరి అవకాశం కోసం ప్రయత్నాలు చేస్తున్నట్లు వెల్లడించింది.