గురువారం తెల్లవారుజామున సిరియాపై క్షిపణి దాడులు చేసింది ఇజ్రాయెల్. సిరియా రాజధాని డమస్కస్, దక్షిణ సిరియా ప్రాంతాల్లో ఈ దాడులు జరిగినట్లు సిరియా స్థానిక మీడియా వెల్లడించింది. ఈ ఘటనలో ఎంత మంది మృతిచెందారనే దానిపై స్పష్టత ఇవ్వలేదు. ఇజ్రాయెల్ యుద్ధవిమానాలు లెబనాన్ మీదుగా ప్రయాణిస్తూ సిరియాపై ఈ దాడులు జరిపిందని పేర్కొంది.
లెబనాన్- సిరియా సరిహద్దు ప్రాంతంలో సిరియా డిఫెన్స్ మిసైల్ పేలినట్లు లెబనాన్ మీడియా తెలిపింది.