అబుధాబిలో ట్యాక్సీ డ్రైవర్గా పనిచేస్తున్న కేరళకు చెందిన వ్యక్తిని అదృష్టం వరించింది. లాటరీలో 3 కోట్ల దిర్హమ్లు (సుమారు రూ.40 కోట్లు) గెలుచుకున్నాడు. 37 ఏళ్ల రెంజిత్ సోమరాజన్ 2008 నుంచి అబుధాబిలో ఉంటున్నాడు. మూడేళ్లుగా లాటరీ టికెట్లు కొంటున్నాడు. రెండు టికెట్లు కొంటే ఒకటి ఉచితం అనే ఆఫర్ ఇటీవల అతన్ని ఆకర్శించింది. అన్ని డబ్బులు లేకపోగా.. స్నేహితులకు విషయాన్ని తెలిపాడు. గత నెల 29న మరో 9 మంది సహచరులతో కలిసి తలా 100 దిర్హమ్లు వేసుకుని తన పేరుపై టికెట్ కొన్నాడు. దీనికే జాక్పాట్ తగిలింది.
"ఇలాంటి జాక్పాట్ని గెలుచుకుంటానని నేను ఎనాడు అనుకోలేదు. రెండో, మూడో బహుమతి గెలుచుకున్నా చాలు అనుకునేవాన్ని.ఉద్యోగం చేస్తూ గడ్డు పరిస్థితుల్లో బతుకుతున్నాను. కారు డ్రైవర్గా వివిధ కంపెనీల్లో పనిచేశాను. జీతం సరిపోక సేల్స్మెన్లా పనిచేసేవాన్ని."
-రెంజిత్ సోమరాజన్