'వాళ్లు ఉగ్రవాదులు కాదు.. మా దేశ రైతులు'

తమ దేశానికి చెందిన రైతులను అదుపులోకి తీసుకుని ఉగ్రవాదులుగా చిత్రీకరిస్తోందని భారత సైన్యంపై పాక్ ఆర్మీ ఆరోపణలు చేసింది. ఇటీవల భారత్​కు చిక్కిన ఇద్దరు వ్యక్తులు.. అనుకోకుండా నియంత్రణ రేఖ దాటినట్లు బుకాయించింది.

భారత్​పైమరోసారి అక్కసు వెళ్లగక్కింది దాయాదిపాకిస్థాన్. ఉగ్రవాదులుగా భారత్ ఆధారాలు చూపిస్తున్నప్పటకీ... సైన్యం పట్టుకున్న ఉగ్రవాదులను తమ దేశ రైతులుగా పేర్కొంది పాకిస్థాన్​. అంతటితో ఆగకుండా... రైతులను ఉగ్రవాదులుగా చిత్రీకరిస్తోందని భారత్​పై తప్పుడు ప్రచారం చేస్తోంది.

భారత్​లో అక్రమ చొరబాటుకు ప్రయత్నించిన ఇద్దరు పాక్​ ఉగ్రవాదులను భారత​ సైన్యం ఇటీవలే అదుపులోకి తీసుకుంది. వారు రైతులని పాక్​ వాదిస్తోంది. అనుకోకుండా నియంత్రణ రేఖ దాటారని వివరణ ఇస్తోంది. కానీ తాము లష్కరే తోయిబాకు చెందిన వారిమని ఆ ఉగ్రవాదులు ఇప్పటికే అంగీకరించారు.

జమ్ముకశ్మీర్​కు ప్రత్యేక హోదా రద్దు తర్వాత.. రాష్ట్రంలో అల్లర్లు సృష్టించేందుకు వీలైనంత మంది ఉగ్రవాదులను భారత్​కు పంపేందుకు పాక్ యత్నిస్తోందని సెప్టెంబర్​ 4న భారత లెఫ్టినెంట్ జనరల్​ కేజేఎస్​ ధిల్లాన్ వెల్లడించారు. ఈ క్రమంలోనే సరిహద్దు వద్ద భద్రతను పటిష్ఠం చేశారు.

ఇదీ చూడండి: రాష్ట్రపతి విమానానికి పాక్​ అనుమతి నిరాకరణ