సరిహద్దుల్లో ఉద్రిక్తతల వేళ కశ్మీర్ సమస్యను భారత్, పాక్ శాంతియుతంగా పరిష్కరించుకోవాలని అన్నారు ఆ దేశ సైన్యాధిపతి జనరల్ ఖమర్ జావేద్ బజ్వా. సుదీర్ఘ సమస్యకు ముగింపు పలకాలని కోరారు.
ఖైబర్ పఖ్తుంక్వాలోని అస్ఘర్ ఖాన్ అకాడమీలో ఓ కార్యక్రమానికి హాజరైన సందర్భంగా ఈ వ్యాఖ్యలు చేశారు బజ్వా.
''సుదీర్ఘ కాలంగా ఉన్న జమ్ముకశ్మీర్ సమస్యను భారత్-పాక్ గౌరవప్రదంగా, శాంతియుతంగా పరిష్కరించుకోవాలి. ఇది జమ్ముకశ్మీర్ ప్రజల ఆకాంక్ష.''
- జనరల్ ఖమర్ జావేద్ బజ్వా, పాక్ ఆర్మీ చీఫ్
పాకిస్థాన్ శాంతిని, ప్రేమను పంచే దేశమని, ప్రపంచ శాంతి కోసం ఎన్నో త్యాగాలు చేసిందని గొప్పలకు పోయారు బజ్వా.
ఇదీ చూడండి:'సీపెక్' రక్షణ పేరుతో పాక్-చైనా కుట్రలు!
పాకిస్థాన్ సైన్యానికి ఎలాంటి ముప్పునైనా ఎదుర్కొనే సామర్థ్యం ఉందని అన్నారు.
పుల్వామా దాడి అనంతర పరిస్థితుల నుంచి దాయాది దేశంతో సంబంధాలను తగ్గించుకుంది భారత్. చర్చలు, ఉగ్రవాదం ఒకే చోట ఉండవని పలు మార్లు నొక్కిచెప్పింది. పాక్ భూభాగం నుంచి భారత్లో దాడులు చేసే ఉగ్రముఠాలపై చర్యలు తీసుకోవాలని ఆ దేశాన్ని హెచ్చరించింది.
ఇదీ చూడండి: పాక్ ఉగ్ర చొరబాట్లకు చైనా 'డ్రోన్ సాయం'
