చైనా, పాక్​లు అంతర్జాతీయ నిబంధనలు పాటించాలి

చైనా-పాక్ మధ్య పీఓకే మీదుగా కారిడార్ నిర్మించాలన్న నిర్ణయాన్ని వెనక్కి తీసుకోవాలని ఇరు దేశాలకు సూచించినట్లు కేంద్రం తెలిపింది. అయితే చైనా, పాక్​లు ఈ సూచనలను లెక్కచేయనట్లుగా వ్యవహరిస్తున్నాయని పేర్కొంది.

పాక్​ ఆక్రమిత కశ్మీర్​ మీదుగా చైనా-పాకిస్థాన్​ ఎకనామిక్ కారిడార్ (సీపీఈసీ)పై భారత్​ సూచనలను ఆ రెండు దేశాలు ఖాతరు చేయలేదని కేంద్రం వెల్లడించింది.

భారత ప్రాదేశిక సమగ్రత, సార్వభౌమాధికాన్ని బేఖాతరు చేస్తున్నాయని.. లోక్​ సభకు సమర్పించిన లిఖితపూర్వక సమాధానంలో విదేశీ వ్యవహారాల సహాయ మంత్రి వి.మురళీధరన్​ తెలిపారు.పీఓకే​ మీదుగా వన్​ బెల్ట్ వన్​ రోడ్​ (ఓబీఓఆర్​) పేరుతో నిర్మించాలన్న నిర్ణయాన్ని వెనక్కి తీసుకోవాలని చైనాకు సూచించినట్లు వెల్లడించారు.

"చైనా ఓబీఓఆర్​ నిర్మాణాన్ని అడ్డుకునే అంశంపై.. ప్రభుత్వం స్పష్టమైన, స్థిరమైన నిర్ణయంతో ఉంది. " --- వి.మురళీధరన్​, కేంద్ర విదేశీ వ్యవహారాల సహాయక మంత్రి

ఇతర దేశాలతో దౌత్య సంబంధాలు, అనుసంధానం పెంచుకోవడం సరైనదే అయినా.. ఆ పక్రియ అంతర్జాతీయ నిబంధనలకు లోబడి ఉండాలని అన్నారు. భారత్ ఇదే విషయాన్ని బలంగా నమ్ముతుందని పేర్కొన్నారు.

చైనా, పాకిస్థాన్ కచ్చితంగా పారదర్శకత, ఆర్థిక బాధ్యత కలిగి ఉండాలి. సార్వభౌమత్యం, సమానత్వం, దేశాల సమగ్రతను కాపాడాలన్నారు.

ఇదీ చూడండి: 'బహుళ పాక్షిక సంబంధాలపైనే భారత్​ దృష్టి'