వరదల బీభత్సం

అఫ్గానిస్థాన్​లో వరదలు బీభత్సం సృష్టించాయి. వందల ఇళ్లు నేలమట్టమయ్యాయి. 32 మంది మరణించారు.

భారీ వరదలకు అఫ్గానిస్థాన్​ అతలాకుతలమైంది. వందల సంఖ్యలో ఇళ్లు, వృక్షాలు నేలమట్టమయ్యాయి. వేల మంది నిరాశ్రయులయ్యారు. 32 మంది ప్రాణాలు కోల్పోయారని నార్వేజియన్​ శరణార్థ మండలి పేర్కొంది. వరదల కారణంగా ఒక్క దక్షిణ కందహార్​ ప్రాంతంలోనే సుమారు 4 వేల కుటుంబాలు రోడ్డున పడ్డాయి.

నాలుగు రోజుల పాటు దేశాన్ని కుదిపేసిన వరదలు సోమవారానికి తగ్గుముఖం పట్టాయి.దేశవ్యాప్తంగా సహాయక చర్యలు ముమ్మరం చేసినట్లు అధికారులు తెలిపారు.

దేశవ్యాప్తంగా భారీగా కురుస్తున్న మంచు వల్ల వరదలు సంభవించాయి. ఈ ఏడాదిలో ఇప్పటి వరకు వరదల కారణంగా సుమారు 50 మంది మరణించినట్లు అధికారులు తెలిపారు.