బ్రిటన్ రాజ కుటుంబం బాధ్యతల నుంచి తప్పుకున్న ప్రిన్స్ హ్యారీ.. మీడియాపై తీవ్ర ఆగ్రహం వ్యక్తం చేశారు. తమ వ్యక్తిగత జీవన ప్రయాణాన్ని మీడియా బహిర్గతం చేస్తోందని వాపోయారు. తన భార్య మేఘన్, కుమారుడు ఆర్కీతో ఉన్న ఫొటోలను ప్రచురించిన సన్‌, డెయిలీ మెయిల్‌ పత్రికలపై చట్టపరంగా చర్యలు తీసుకుంటామన్నారు. ఆ వార్త పత్రికలకు నోటీసులు జారీ చేశారు హ్యారీ తరఫు న్యాయవాది.
రాజ సంరక్షకులు చివరిసారిగా తోడు రాగా.. భుజానేసుకున్న జోలిలో ఆర్కీ, ముందు రెండు పెంపుడు కుక్కలతో కలిసి మేఘన్ కొత్త జీవితాన్ని ప్రారంభించబోయే ఇంటికి చేరుకున్నారు. ఈ ఫొటోలన్నీ మీడియాలో ప్రత్యక్షమయ్యాయి. మేఘన్ అనుమతి లేకుండా సదరు ఫొటోగ్రాఫర్లు దొంగచాటుగా ఫొటోలు తీశారని హ్యారీ చెప్పారు. కెమెరాలకు, మీడియాకు దూరంగా ఉండాలనే రాజకుంటుంబం నుంచి తప్పుకున్నామని మరోసారి స్పష్టం చేశారు. తమ అనుమతి లేకుండా వాంకోవర్‌ దీవిలోని తమ ఇంటిని పైతం ఫొటోలు తీశారని వారిపై కూడా చర్యలు తప్పవని హెచ్చరించారు.