ప్రపంచవ్యాప్తంగా కరోనా వైరస్ వ్యాప్తి నానాటికీ తీవ్రమవుతోంది. ఇప్పటికే 2 కోట్ల 59 లక్షల 36వేల మందికిపైగా మహమ్మారి బాధితులుగా మారారు. 8 లక్షల 61వేల 925 మంది మరణించారు. అయితే రికరీలు భారీగానే పెరుగుతున్నాయి. కోటీ 82 లక్షల 17 వేల మందికి పైగా వైరస్ నుంచి కోలుకున్నారు. దాదాపు 68 లక్షల 57 వేల మంది చికిత్స పొందుతున్నారు.
ప్రపంచదేశాల్లో ఆగని కరోనా ఉద్ధృతి - Coronavirus death toll in the global
ప్రపంచ దేశాల్లో కరోనా ఉద్ధృతి కొనసాగుతోంది. మొత్తం వైరస్ బాధితుల సంఖ్య 2 కోట్ల 60 లక్షలకు చేరువైంది. దాదాపు 8 లక్షల 62 వేల మంది కరోనాతో మృతి చెందారు. భారత్, అమెరికా,బ్రెజిల్, రష్యా దేశాలు సహా కొలంబియా, మెక్సికో, పెరూ, దేశాల్లోనూ కొవిడ్ బాధితులు భారీగానే పెరుగుతున్నారు.
మెక్సికోలో కరోనా ఉద్ధృతి- ప్రపంచదేశాల్లో పెరుగుతున్న కేసులు
అత్యధిక కేసులతో అమెరికా ప్రపంచంలోనే మొదటి స్థానంలో ఉండగా... బ్రెజిల్, భారత్, రష్యా తర్వాత స్థానాల్లో ఉన్నాయి. రానున్న రెండు వారాల్లో బ్రెజిల్ను అధిగమించి భారత్ రెండో స్థానానికి చేరుకోవచ్చని వైద్య నిపుణులు అంచనా వేస్తున్నారు.
- దక్షిణ కొరియాలో వరుసగా 20వ రోజు మూడు అంకెల సంఖ్యలో కేసులు నమోదయ్యాయి. తాజాగా 267మందికి వైరస్ సోకగా.. మొత్తం కేసుల సంఖ్య 20వేల 449కు చేరుకుంది.
- నేపాల్లోనూ కొవిడ్ బాధితుల సంఖ్య పెరుగుతోంది. కొత్తగా 1,120 కేసులు బయటపడగా.. 12 మంది మృత్యువాతపడ్డారు. ఫలితంగా మొత్తం కేసుల సంఖ్య 41 వేలు దాటింది.
- మెక్సికోలో కరోనా ఉద్ధృతి కొనసాగుతోంది. కొత్తగా 6,476 మందికి కొవిడ్ పాజిటివ్గా తేలింది. మరో 827మంది ప్రాణాలు కోల్పోయారు.
| దేశం | కేసులు | మరణాలు | కోలుకున్నవారు |
| అమెరికా | 62,59,046 | 1,88,931 | 34,97,840 |
| బ్రెజిల్ | 39,52,790 | 1,22,681 | 31,59,096 |
| భారత్ | 37,79,181 | 66,565 | 29,06,998 |
| రష్యా | 10,05,000 | 17,414 | 8,21,169 |
| పెరూ | 6,57,129 | 29,068 | 4,71,599 |
| దక్షిణాఫ్రికా | 6,28,259 | 14,263 | 5,49,993 |
| కొలంబియా | 6,24,069 | 20,052 | 4,69,557 |
| మెక్సికో | 6,06,036 | 65,241 | 4,21,373 |
ఇదీ చూడండి:చైనాకు సొంత కమాండరే షాకిచ్చారు: అమెరికా