కరోనా పంజా: హాంకాంగ్​లో స్కూల్స్​ బంద్​​- ఇరాక్​లో రీఓపెన్​

ప్రపంచవ్యాప్తంగా మొత్తం కరోనా​ బాధితుల సంఖ్య 6 కోట్ల 27 లక్షలు దాటింది. మహమ్మరి ధాటికి ఇప్పటివరకు 14 లక్షల 60 మందికిపై మృతి చెందారు. కరోనా నేపథ్యంలో హాంకాంగ్​లో పాఠశాలలను మూసివేయగా.. ఇరాక్​లో చాలా రోజుల తర్వాత విద్యాసంస్థలు తెరుచుకున్నాయి.

ప్రపంచదేశాల్లో కరోనా ఉద్ధృతి కొనసాగుతోంది. ఫలితంగా మొత్తం కొవిడ్​​ కేసుల సంఖ్య 6 కోట్ల 27 లక్షల 29వేలు దాటింది. ఇప్పటివరకు వైరస్​కు బలైనవారి సంఖ్య 14 లక్షల 61 వేలకు చేరువైంది. అయితే 4 కోట్ల 33 లక్షల 36 వేలమందికిపైగా మహమ్మారి నుంచి జయించారు.

హంకాంగ్​లో మూతబడిన పాఠశాలలు

హాంకాంగ్​లో కొత్తగా 115 కేసులు నమోదవగా.. పాఠశాలలు మూసివేస్తూ నిర్ణయం తీసుకుంది అక్కడి ప్రభుత్వం. ఆగస్టు 2 తర్వాత మూడంకెల సంఖ్యలో కొవిడ్​ కేసులు వెలుగుచూడటం ఇదే తొలిసారి.

బ్రిటన్​లో టైర్​బేస్డ్​​ లాక్​డౌన్​!

బ్రిటన్​లో కరోనా కేసులు పెరుగుతున్న వేళ వైరస్​ తీవ్రత ఆధారంగా(టైర్​బెస్డ్)​ లాక్​డౌన్​ విధించాలన్న ఆ దేశ ప్రధాని బోరిస్​ జాన్సన్​ నిర్ణయంపై మంగళవారం ఓటింగ్​ జరగనుంది. ఈ మేరకు తన పార్టీ నేతలకు లేఖ రాశారు జాన్సన్​. ప్రధాని నిర్ణయానికి చట్టసభ్యులు ఆమోదం తెలిపితే.. ఆయా ప్రాంతాల్లో టైర్​బేస్డ్​ లాక్​డౌన్​ విధిస్తారు.

రెండోదశ

రానున్న సెలవు రోజుల్లో కఠిన నిబంధనలు అమలు చేయకపోతే రెండోదశలో కరోనా విస్తరించవచ్చని అక్కడి అధికారులను హెచ్చరిస్తున్నారు నిపుణులు.

• ఇరాక్​లో కరోనా తీవ్రత తగ్గుముఖం పట్టిన నేపథ్యంలో అక్కడి పాఠశాలలను తెరిచారు.
• రష్యాలో తాజాగా 26,683 మంది కరోనా బారిన పడ్డారు. మరో 459మంది మరణించారు.
• ఇరాన్​లో కొత్తగా 12,950 కేసులు వెలుగుచూశాయి. 389మంది చనిపోయారు.
• మెక్సికోలో ఒక్కరోజే 10 వేలు కేసులు నమోదవగా.. 586మంది మృతి చెందారు.
• పోలండ్​లో తాజాగా 11,483 మందికి కరోనా సోకగా.. 283 మంది ప్రాణాలు కోల్పోయారు.

దేశం	మొత్తం కేసులు	మొత్తం మరణాలు
రష్యా	22,69,316	39,527
ఫ్రాన్స్​	22,08,699	52,127
మెక్సికో	11,00,683	105,459
జర్మనీ	10,44,475	16,410
పోలండ్​	9,85,075	17,029

ఇదీ చూడండి:కరోనా పుట్టింది భారత్​లోనే: చైనా