పాక్​లో 80 హిందూ జంటలకు సామూహిక వివాహాలు

పాకిస్థాన్​ కరాచీలో ఆదివారం 80 హిందూ జంటలకు  సామూహికంగా సంప్రదాయ పద్ధతిలో వివాహం జరిగింది. ఈ వేడుకను పాకిస్థాన్​ హిందూ కౌన్సిల్​ నిర్వహించింది.

పాకిస్థాన్ కరాచీ​లో చాలా మంది హిందువులు నివసిస్తున్నారు. వీరిలో అనేక మంది పెళ్లి ఖర్చును కూడా భరించలేనంత పేదరికంలో ఉన్నారు. అలాంటి వారికి సాయం చేసేందుకు ముందుకు వచ్చింది పాకిస్థాన్​ హిందు కౌన్సిల్​. 80 పేద హిందూ జంటలకు ఆదివారం సామూహిక వివాహాలు జరిపించింది. పెళ్లి ఖర్చుతోపాటు కొత్త జంటలకు బంగారు ఆభరణాలు అందించింది పాక్ హిందూ కౌన్సిల్.

పాకిస్థాన్​లో హిందువులు మైనార్టీలు. వారిలో ఎక్కువ మంది ప్రభుత్వ, ప్రైవేటు కార్యాలయాల్లో చిన్నచిన్న ఉద్యోగాలు చేస్తుంటారు. అలాంటి తమకు ఇంత ఘనంగా వివాహం జరిపించడంపై కొత్త దంపతులు ఆనందం వ్యక్తంచేశారు.

ఇదీ చూడండి: ఆ చిన్నారి జ్ఞాపక శక్తికి అవార్డులు దాసోహం.. ఏడేళ్లకే డాక్టరేట్​