ఒక్కడిని కాపాడబోయి మొత్తం 8 మంది పిల్లలు మృతి

చైనాలో హృదయ విదారక ఘటన జరిగింది. నదీతీర ప్రాంతంలో సరదాగా ఆడుకునేందుకు వెళ్లిన 8 మంది పాఠశాల చిన్నారులు.. ప్రమాదవశాత్తు నీటిలో మునిగి చనిపోయారు. నదిలో పడిపోయిన స్నేహితుడిని కాపాడేందుకు ఏడుగురు విద్యార్థులు నీటిలోకి దూకేశారు.

నైరుతి చైనాలో విషాదం జరిగింది. 8 మంది పాఠశాల విద్యార్థులు ప్రమాదవశాత్తు నదిలో మునిగి చనిపోయారు. టోంగ్నన్ జిల్లా టోంగ్​ జియా గ్రామానికి చెందిన వీరంతా ఆదివారం మధ్యాహ్నం సరదాగా ఆడుకునేందుకు నదీతీరానికి వెళ్లారు. ఈ క్రమంలో ఓ చిన్నారి నీటిలో పడిపోయాడు. అతిడిని కాపాడేందుకు అక్కడున్న ఏడుగురు చిన్నారులూ నదిలోకి దూకేశారు. చివరకు అందరూ ప్రాణాలు కోల్పోయారు.

మృతదేహాలను అధికారులు నది నుంచి బయటకు తీశారు. వారంతా స్థానిక పాఠశాలలో చదువుతున్న విద్యార్థులని తెలిపారు.