భారత్​, అమెరికా కాదు... జిన్​పింగ్​కు ఆ కార్టూనే​ శత్రువు!

షీ జిన్‌ పింగ్‌.. చైనా అధ్యక్షుడు. బీజింగ్​ 'దురాక్రమణ' సిద్ధాంతాన్ని దూకుడుగా అమలు చేస్తున్న దేశాధినేత. సైనిక సంపత్తి, వాణిజ్యం... ఇలా ప్రతి అంశంలోనూ అగ్రరాజ్యానికే సవాలు విసిరే వ్యక్తి. అలాంటి వ్యక్తికీ ఓ భయం ఉంది. ఏంటది?

చైనా.. ప్రపంచదేశాలను శాసించే స్థాయికి ఎదగాలన్న దుర్భుద్దితో రగిలిపోతోంది. ఇందుకోసం పక్కదేశాలపై దాడులకు తెగబడటం, చిన్న దేశాలకు స్తోమతకు మించి రుణాలు ఇచ్చి ఆస్తులు స్వాధీనం చేసుకోడానికి ఎప్పట్నుంచో ప్రయత్నాలు చేస్తోంది. అలాంటి దేశానికి అధ్యక్షుడు షీ జిన్​ పింగ్​. ప్రస్తుతం భారత్​తో ఘర్షణల వెనుక ప్రధాన వ్యూహకర్త ఈయనే అన్నది నిపుణుల అభిప్రాయం. ఏ దేశాన్ని అయినా ఆర్థికంగా, సామాజికంగా విచ్ఛిన్నం చేయగల శక్తి జిన్​పింగ్​​ సొంతం. అయితే అంతటి శక్తిమంతుడికీ ప్రతి మనిషిలాగే ఓ బలహీనత ఉంది. అదే 'విన్నీ... ద పూహ్​'

జిన్​పింగ్​కు కోపం, చిరాకు తెప్పించే 'విన్నీ' మనిషి కాదు. ఓ కార్టూన్ క్యారెక్టర్​. ఎంతో బలగం, మందీ మార్బలం ఉన్న జిన్​పింగ్​కు ఓ కార్టూన్​ బొమ్మ​ అంటే భయమా? అని మీ సందేహమా! అయితే గతంలోకి వెళ్దాం.

జిన్​పింగ్​ వర్సెస్​ 'విన్నీ ద పూహ్​'

అలా నిషేధం...

అది 2013.. చైనా అధ్యక్షుడైన షీ జిన్​ పింగ్​.. అమెరికాలో పర్యటించారు. ఆయన అగ్రరాజ్యంలోకి రావడం నచ్చక ఎంతోమంది విమర్శలు గుప్పించారు. ప్రపంచవ్యాప్తంగా మీడియా, సామాజిక మాధ్యమాల్లో ఆయన పర్యటన వెనుక ఏదో వ్యూహం దాగుందని, జిన్​ను నమ్మొద్దని పెద్ద చర్చే నడిచింది. ఆ సమయంలో మీమ్స్​ చేసేవాళ్లు ఊరుకుంటారా. జిన్​పింగ్​ను 'విన్నీ​'తో పోల్చుతూ పెద్ద రచ్చ చేశారు. ఆనాడు జిన్​ను ఆహ్వానించిన అమెరికా అధ్యక్షుడు బరాక్​ ఒబామానూ ఓ 'కార్టూన్​ టైగర్'​గా చూపించారు.

ఒబామాతో షీ జిన్​పింగ్​

2014.. జపాన్​ ప్రధాని షింజో అబే, చైనా అధ్యక్షుడు జిన్​పింగ్​ మధ్య ప్రత్యక్షంగా ద్వైపాక్షిక చర్చలు జరిగాయి. ఆ సమయంలో షింజోను గ్లూమీ డాంకీతో, జిన్​ను 'విన్నీ​'తో పోల్చుతూ మళ్లీ ఫొటోలు వైరలయ్యాయి.

ఆ తర్వాత హాంకాంగ్​ రాజకీయ నాయకురాలు కేరీ లామ్​ను జిన్​పింగ్​ను కలిసినప్పుడూ ఇదే తరహా బొమ్మలు విపరీతంగా ట్రెండ్​ అయ్యాయి.

షింజో అబేతో జిన్​పింగ్​

హాంకాంగ్​ లీడర్​ కేరీ లామ్​తో, షీ జిన్‌ పింగ్‌

2015.. జిన్​పింగ్​ ఓ పరేడ్​లో పాల్గొనగా​ ఆయన చిత్రాలకు 'విన్నీ'ని జోడించి మీమ్స్​ విడుదల చేశారు కొందరు నెటిజన్లు. ఇంకేముంది వాటిని చూసి గరం గరం అయిన జిన్​.. చైనాలో ఆ కార్టూన్​ కనపడకుండా నిషేధించారు. ఆ దేశంలోని సామాజిక మాధ్యమాలు, యాప్​లు, సెర్చ్​ ఇంజిన్​లోనూ దీనికి సంబంధించిన వార్తలు కనిపించకుండా బ్లాక్​ చేశారు. అంతేకాదు అక్కడ బాగా ఫేమస్​ అయిన టిక్​టాక్​లోనూ విన్నీ కనిపించడానికి వీలులేదని హెచ్చరికలు జారీ చేశారు. అలా 'విన్నీ' పదమే ఆ దేశంలో వినిపించకుండా చేశారు.

పరేడ్​లో జిన్​పింగ్​

అన్నీ మరిచిపోయిందేమో అని ప్రపంచం భావిస్తున్న సమయంలో 2018లో డిస్నీ.. క్రిస్టోఫర్​ రాబిన్​ అనే యానిమేషన్​ చిత్రాన్ని ప్రపంచవ్యాప్తంగా విడుదల చేసింది. అయితే ఇందులోనూ 'విన్నీ' పాత్ర ఉండటం వల్ల తమ దేశంలో సినిమా విడుదలకు అంగీకరించలేదు బీజింగ్.

క్రిస్టోఫర్​ రాబిన్​ సినిమాలో 'విన్నీ ద పూహ్​'