"మసూద్ విషయంలో మరింత స్పష్టమైన సమాచారం కోసమే చైనా.. ఐరాస ప్రతిపాదనకు అభ్యంతరం తెలిపింది. దీనిపై అమెరికా, బ్రిటన్ దేశాలు ఏ విధంగా ఆలోచిస్తున్నాయనే అంశంపై చర్చించాం "
-మహ్మూద్ఖురేషీ, పాక్ విదేశాంగ మంత్రి
1267 అల్ఖైదా ఆంక్షల కమిటీపై చర్చించామన్నారు ఖురేషీ. ఈ విషయంపై మరిన్ని వివరాలు తెలిపేందుకు నిరాకరించారు. పుల్వామా ఘటనపై భారత్ పంపిన నివేదికలోని అంశాలను విశ్లేషిస్తున్నామని ఆయన అన్నారు. త్వరలోనే దీనిపై స్పందనను భారత్తో పాటు ప్రపంచానికి తెలియజేస్తామని చెప్పారు.
జైషే మహ్మద్ అధినేత మసూద్ అజార్ను అంతర్జాతీయ ఉగ్రవాదిగా ప్రకటించాలనే ఐరాస భద్రతా మండలిలో వచ్చిన ప్రతిపాదనలను చైనా నాలుగు సార్లు అడ్డుకుంది. డ్రాగన్.. తనకున్న వీటో అధికారంతోనే మసూద్ విషయంలో అడ్డుతగులుతోంది. చైనా వైఖరిపై భారత్ తీవ్ర నిరసన వ్యక్తం చేసింది.