'మ్యాన్ వర్సెస్ వైల్డ్' కార్యక్రమంలో బేర్ గ్రిల్స్తో కలిసి ప్రధాని నరేంద్ర మోదీ చేసిన సాహసాలు సరికొత్త రికార్డును సృష్టించాయని తెలిపింది డిస్కవరీ ఛానల్. ఈ నెల 12న డిస్కవరీలో ప్రసారమైన ఈ షోకు భారత్లో రికార్డుస్థాయిలో.. 36 లక్షల 90వేల ఇంప్రెషన్స్ వచ్చినట్లు తెలిపింది. డీడీ నేషనల్తో కలిపి మొత్తంగా (తొలిసారి, మలిసారి ప్రసారాలు) 427 లక్షల (42.7 మిలియన్) ఇంప్రెషన్స్ వచ్చినట్లు ప్రకటించింది. బ్రాడ్కాస్ట్ ఆడియన్స్ రీసెర్చ్ కౌన్సిల్ (బీఏఆర్సీ) డేటా ప్రకారమే ఈ ప్రకటన చేస్తున్నట్లు స్పష్టం చేసింది.
ఈ ప్రత్యేక కార్యక్రమంతో డిస్కవరీ ఛానల్ ఏకంగా 36 లక్షల 90 వేల ఇంప్రెషన్స్ సాధించి.. దేశవ్యాప్తంగా మూడోస్థానంలో నిలిచింది. స్టార్‌ ప్లస్‌ (36 లక్షల 70 వేల ఇంప్రెషన్స్)ను వెనక్కినెట్టి.. ఈ ఘనతను సొంతం చేసుకొంది. ఈ కార్యక్రమాన్ని సగటున 29.2 నిమిషాలపాటు ప్రేక్షకులు వీక్షించారు. ప్రపంచవ్యాప్తంగా 360 కోట్ల సోషల్‌ ఇంప్రెషన్స్‌తో మోస్ట్ ట్రెండింగ్ టెలివిజన్ ఈవెంట్గా నిలిచిందని డిస్కవరీ సంస్థ ప్రకటించింది.