లక్షకు చేరువలో కరోనా కేసులు- 3 వేలకు పైగా మృతులు
కరోనా (కొవిడ్-19) వ్యాప్తితో ప్రపంచవ్యాప్తంగా ఇప్పటివరకు 97,510 కేసులు నమోదయ్యాయి. 3,345 మంది వైరస్ బారిన పడి మృత్యువాత పడ్డారు. సుమారు 85 దేశాలకు ఈ మహమ్మారి విస్తరించింది.
బుధవారం సాయంత్రం నుంచి 2,699 కొత్త కేసులను గుర్తించగా.. మరో 100 మరణాలు సంభవించాయి. చైనాలో 80 వేల మందికి పైగా ఈ వైరస్ బారిన పడ్డారు. 3,012 మంది బలయ్యారు. ఇక చైనా మినహా ఇతర దేశాల్లో ఇప్పటి వరకు 17,101 కరోనా కేసులు నమోదు కాగా.. 333 మంది మరణించారు.
దక్షిణ కొరియా, ఇటలీ, ఇరాన్, ఫ్రాన్స్ దేశాల్లో కరోనా ప్రభావం తీవ్రంగా కనిపిస్తోంది.