మానవుల్లోని అంతర్గత కొలెస్ట్రాల్ ప్రాసెసింగ్ వ్యవస్థను తెలివిగా ఉపయోగించుకోవడం ద్వారా శరీరంలో కరోనా వైరస్ వ్యాప్తి చెందుతోందని చైనా శాస్త్రవేత్తలు గుర్తించారు. ఈ ఆవిష్కారం ఆధారంగా కరోనా మహమ్మారికి కొత్త చికిత్స మార్గాలను కనుగొనవచ్చని చెప్పారు. 'అకాడమీ ఆఫ్ మిలటరీ మెడికల్ సైన్సెస్' శాస్త్రవేత్తలు ఈ పరిశోధన చేపట్టారు.
కొలెస్ట్రాల్ జీవక్రియకు, కొవిడ్-19కు మధ్య సంబంధాన్ని ఇది బయట పెట్టింది. మానవ శరీరంలో హెచ్డీఎల్ కొలెస్ట్రాల్ ఉంటుంది. దీన్ని మంచి కొలెస్ట్రాల్ అని కూడా పిలుస్తారు. ఇన్ఫెక్షన్ కలిగించే సమయంలో కరోనా వైరస్.. మానవుల్లోని ఏసీఈ2 అనే రిసెప్టార్ ను ఉపయోగించుకుంటుంది.