ప్రపంచవ్యాప్తంగా 'లక్ష' దాటిన కరోనా మరణాలు

ప్రపంచవ్యాప్తంగా కరోనా విలయతాండవం చేస్తోంది. వైరస్ పాజిటివ్​ కేసులు, మరణాలు రోజురోజుకు పెరుగుతున్నాయి. అమెరికా, ఇటలీ, స్పెయిన్​, జర్మనీ, ఫ్రాన్స్​ సహా ఇతర దేశాల్లో ఈ మహమ్మారి కారణంగా వేలాది మంది మృత్యువాతపడగా.. ప్రపంచవ్యాప్తంగా కరోనా మృతుల సంఖ్య 1,01,483కు చేరుకుంది. 16.75లక్షలకుపైగా కేసులు నమోదయ్యాయి.

ప్రపంచవ్యాప్తంగా కరోనా విలయతాండవం చేస్తోంది. వైరస్ పాజిటివ్​ కేసులు, మరణాలు రోజురోజుకు పెరుగుతున్నాయి. అమెరికా, ఇటలీ, స్పెయిన్​, జర్మనీ, ఫ్రాన్స్​ సహా ఇతర దేశాల్లో ఈ మహమ్మారి కారణంగా వేలాది మంది మృత్యువాతపడగా.. ప్రపంచవ్యాప్తంగా కరోనా మృతుల సంఖ్య 1,01,483కు చేరుకుంది. 16.75లక్షలకుపైగా కేసులు నమోదయ్యాయి.

అమెరికాలో అత్యధికం

వైరస్​ ధాటికి అగ్రరాజ్యం అమెరికా చిగురుటాకులా వణికిపోతోంది. అమెరికాలో అత్యధికంగా 4.88లక్షలకుపైగా కరోనా కేసులు నమోదయ్యాయి. ఇవాళ ఒక్కరోజే 20,414 మందికి పైగా వైరస్​ సోకగా.. 1,318 మంది మృత్యువాత పడ్డారు. దీంతో అగ్రరాజ్యంలో మొత్తం మృతుల సంఖ్య 18,009కి చేరింది.

బ్రిటన్​లో రికార్డు స్థాయి మరణాలు

ఇటలీలోనూ మహమ్మారి మరణ మృదంగం ఆగడం లేదు. ప్రపంచవ్యాప్తంగా ఇటలీలోనే ఇప్పటివరకు అత్యధికంగా 18,849 మంది కరోనాకు బలయ్యారు. గత 24 గంటల్లో 3,951 మందికి వైరస్​ సోకగా.. 570 మంది చనిపోయారు. మొత్తం 1,47, 577 మందికి వైరస్​ సోకింది. అటు స్పెయిన్​లో మొత్తం కేసుల సంఖ్య 1,57,053కు చేరుకుంది. తాజాగా కరోనా మరణాలు 523 సంభవించగా.. మొత్తం మృతుల సంఖ్య 15,970కు చేరింది. టర్కీలోనూ మృతుల సంఖ్య 1000 దాటింది.

ఇవాళ ఒక్కరోజే ఫ్రాన్స్​లో 987, బ్రిటన్​-980, ఇటలీ-570, స్పెయిన్​-523, బెల్జియం-496, ఇరాన్-122, నెదర్లాండ్స్​లో 115 కరోనా మరణాలు సంభవించాయి.