ప్రపంచవ్యాప్తంగా 2 కోట్ల 51 లక్షలు దాటిన కరోనా కేసులు

ప్రపంచవ్యాప్తంగా కరోనా కేసుల సంఖ్య 2కోట్ల 51లక్షలు దాటింది. ఇప్పటివరకు 8 లక్షల 46వేల మందికిపైగా మరణించారు. కోటి 75లక్షల మందికిపైగా వ్యాధిబారినపడి కోలుకున్నారు. అమెరికా, భారత్​, బ్రెజిల్​లో మహమ్మారి విజృంభణ కొనసాగుతోంది.

ప్రపంచవ్యాప్తంగా కరోనా కరాళనృత్యం కొనసాగుతుంది. మొత్తం కేసుల సంఖ్య 2కోట్ల 51లక్షల 61వేల 134కి పెరిగింది. వైరస్​ కారణంగా ప్రాణాలు కోల్పోయిన వారి సంఖ్య 8లక్షల 46వేల 734కి చేరింది . వ్యాధి బారినపడిన వారిలో కోటి 75లక్షల 6వేల 54 మంది కోలుకున్నారు. ప్రస్తుతం 68లక్షల 10వేల 346 యాక్టివ్​ కేసులున్నాయి.

వైరస్​ ప్రభావం అత్యంత తీవ్రంగా ఉన్న అమెరికా, భారత్​, బ్రెజిల్​లో అధిక సంఖ్యలో కొత్త కేసులు వెలుగు చూస్తున్నాయి. అగ్రరాజ్యంలో మొత్తం బాధితుల సంఖ్య 61 లక్షలు దాటగా.. లక్షా 86వేల మందికిపైగా వైరస్​కు బలయ్యారు. బ్రెజిల్​లో కేసుల సంఖ్య 38లక్షల 46వేలు దాటింది. ఇప్పటివరకు లక్ష 20వేల మందికిపైగా మరణించారు.

కరోనా కేసులు అధికంగా ఉన్న దేశాలు..

	దేశం	కేసులు	మరణాలు
1	అమెరికా	61,39,078	1,86,855
2	బ్రెజిల్​	38,46,965	1,20,498
3	భారత్​	34,63,972	62,550
4	రష్యా	9,85,346	17,025
5	పెరు	6,39,435	28,607