చైనాకు చెందిన ఓ నిఘా విమానం.. తైవాన్లోకి ప్రవేశించినట్టు ఆ దేశ రక్షణ శాఖ తెలిపింది. వై-8 యుద్ధ విమానం.. తైవాన్ వైమానిక రక్షణ గుర్తింపు స్థావరంలోని నైరుతి విభాగంలోకి ప్రవేశించిందని పేర్కొంది.
దక్షిణ చైనా సముద్రంలో తమ నియంత్రణలో ఉన్న డోంగ్షా దీవుల మధ్య చైనా యుద్ధ విమానం గగనతలంలోకి ప్రవేశించినట్టు తైవాన్ అధికారులు తెలిపారు. ఈ నేపథ్యంలో వాటి కదలికలను పర్యవేక్షించేందుకు ఫైటర్ జెట్స్ను రంగంలోకి దింపడం సహా.. రేడియో హెచ్చరికలు జారీచేసింది సైనిక విభాగం. ఎయిర్ డిఫెన్స్ ఐడెంటిఫికేషన్ జోన్(ఏడీఐజడ్) నుంచి చైనా యుద్ధ విమానం వెళ్లే వరకు వైమానిక రక్షణ వ్యవస్థలు అప్రమత్తంగా వ్యవహరించాయి.