వుహాన్​లో కోటి మందికి కరోనా పరీక్షలు

కరోనా విజృంభణ నేపథ్యంలో వుహాన్​లో కోటికి మందికి పరీక్షలు నిర్వహించింది అక్కడి యంత్రాంగం. కొత్తగా దేశంలో 139 కేసులు నమోదయ్యాయని అధికారులు వెల్లడించారు.

చైనాలోని వుహాన్​ నగరంలో మరోసారి మహమ్మారి విజృంభిస్తున్న నేపథ్యంలో కొవిడ్​ పరీక్షలను విస్తృతం చేసింది అక్కడి యంత్రాంగం. నగరంలోని 1.1 కోట్ల మంది నుంచి నమూనాలను సేకరించినట్లు అధికారులు శనివారం వెల్లడించారు. ఇప్పటివరకు కోటి నమూనాల ఫలితాలు వెల్లడయ్యాయని పేర్కొన్నారు.

కొత్తగా హుబేయ్​ రాష్ట్రంలో 47 కేసులు నిర్ధారణ అయ్యాయని అధికారులు తెలిపారు. ఇందులో 31 స్థానికంగా నమోదుకాగా.. మిగిలిన 16 కేసులు బయటప్రాంతాల నుంచి వచ్చినవారిలో గుర్తించామన్నారు. దేశవ్యాప్తంగా కొత్తగా నమోదైన కేసుల సంఖ్య 139గా ఉందని పేర్కొన్నారు.

ఈనెల 4న వుహాన్​లో కరోనా పరీక్షలను అధికారులు ప్రారంభించారు. ఈ క్రమంలో కరోనా అనుమానితులుగా భావిస్తున్న 64 మందిని వైద్యుల పర్యవేక్షణలో ఉంచారు.

ఇదీ చదవండి :ఏడు నెలల పాటు స్థిరంగా యాంటీబాడీలు!