మోదీ-ఇమ్రాన్ల మధ్య సందేశాలను స్వాగతించిన చైనా పాకిస్థాన్ జాతీయ దినోత్సవం సందర్భంగా ఆ దేశ ప్రధాని ఇమ్రాన్ ఖాన్కు శుభాకాంక్షలు తెలుపుతూ లేఖ రాశారు భారత ప్రధానమంత్రి నరేంద్ర మోదీ. దానికి కృతజ్ఞతలు తెలిపారు ఇమ్రాన్. ఈ సందేశాలను స్వాగతించింది చైనా. ఇది ఇరుదేశాల మధ్య ఉద్రిక్తతలు తగ్గేందుకు ఇవి దోహద పడతాయని అభిప్రాయపడింది. " భారత్, పాకిస్థాన్ ప్రధానుల మధ్య జరిగిన సందేశాలను మేం స్వాగతిస్తున్నాం. ఇరు దేశాల మధ్య బంధాలు బలోపేతమయ్యేందుకు మద్దతు పలుకుతున్నాం. ఉద్రిక్త పరిస్థితులు తగ్గేందుకు చైనా నిర్మాణాత్మక పాత్రను పోషిస్తుంది." - జెంగ్ షుయాంగ్, చైనా విదేశాంగ మంత్రిత్వ శాఖ ప్రతినిధి.
భారత్-పాక్ల మధ్య సంబంధాల బలోపేతానికి చైనా పాత్ర ఎప్పుడూ ఒకే విధంగా ఉంటుందని పేర్కొన్నారు జెంగ్. ఈ రెండు దేశాలు దక్షిణాసియాలో ముఖ్యమైనవని తెలిపారు. చర్చలు, సంప్రదింపుల ద్వారా ఇరు దేశాలు... సమస్యలను పరిష్కరించుకుంటాయనే నమ్మకముందని చెప్పారు.
