కరోనా కల్లోలం: చైనాలో 908కి చేరిన మృతుల సంఖ్య

చైనాలో కరోనా మహమ్మారి కల్లోలం సృష్టిస్తోంది. హుబే రాష్ట్రంలో ఆదివారం ఒక్కరోజే 97 మంది ప్రాణాలు కోల్పోయారు. ఇప్పటి వరకు మరణించిన వారి సంఖ్య 908కి చేరింది. మొత్తంగా 40,000 మందికి ఈ వైరస్​ సోకినట్లు ప్రభుత్వం ప్రకటించింది.

ప్రపంచాన్ని కలవరపెడుతోన్న కరోనా వైరస్​ చైనాలో వేగంగా విజృంభిస్తోంది. కరోనా మహమ్మారి కాటుకు హుబె ప్రావిన్స్​లో ఆదివారం ఒక్కరోజునే 97 మంది మృతి చెందారు. ఇప్పటి వరకు ప్రాణాలు కోల్పోయిన వారి సంఖ్య 908కి చేరింది.

చైనాలో కొత్తగా 3,062 మందికి ఈ వైరస్​ సోకినట్లు ఆ దేశ ఆరోగ్య కమిషన్​ అధికారిక ప్రకటన చేసింది. మొత్తం వైరస్​ బారిన పడిన వారి సంఖ్య 40,000 చేరింది.

కరోనా బాధితులకు చికిత్స అందించేందుకు చర్యలు వేగవంతం చేసిన చైనా.. 10 రోజుల్లోనే వెయ్యి పడకల ఆస్పత్రిని నిర్మించింది. సైన్యాన్ని రంగంలోకి దించింది.పలు నగరాల రాకపోకలపై ఆంక్షలు విధించింది. ప్రపంచవ్యాప్తంగా 27కు పైగా దేశాలకు ఈ వైరస్​ సోకింది.

ఇదీ చూడండి: కరోనా వ్యాక్సిన్​ తయారీ సంస్థలకు 43 బిలియన్​ డాలర్లు..!