చైనాలో ప్రాణాంతక కరోనా వైరస్ ధాటికి 1800కుపైగా ప్రజలు ప్రాణాలు కోల్పోయారు. ఈ వివరాలను చైనా తన రోజువారీ నివేదికలో పేర్కొంది. మృతుల సంఖ్య రోజురోజుకు గణనీయంగా తగ్గుతున్నప్పటికీ.. ప్రపంచదేశాల్లో వైరస్పై ఉన్న భయం వీడటం లేదు.
తాజాగా వైరస్ కేంద్రబిందువైన హుబె రాష్ట్రంలో 93మంది మరణించడం వల్ల మృతుల సంఖ్య 1,860కి చేరింది.
డబ్ల్యూహెచ్ఓ హెచ్చరికలు...
వైరస్ మహమ్మారి విజృంభిస్తున్న తరుణంలో కంటితుడుపు చర్యలు తగవని ప్రపంచ ఆరోగ్య సంస్థ(డబ్ల్యూహెచ్ఓ) హెచ్చరించింది. పరిస్థితిని దృష్టిలో పెట్టుకుని ముందుకు సాగాలని హితవు పలికింది.
యాపిల్ ఉత్పత్తులు కట్...
కరోనా వైరస్ ప్రభావం దిగ్గజ యాపిల్ సంస్థపైనా పడింది. రెండో త్రైమాసిక ఆర్థిక మార్గదర్శకాలను అందుకోలేకపోతున్నట్టు పెట్టుబడిదారులను హెచ్చరించింది. చైనాలో ఐఫోన్ ఉత్పత్తులు లేకపోవడమే ఇందుకు కారణమని స్పష్టం చేసింది. చైనాలో ఐఫోన్కున్న డిమాండ్ కూడా పడిపోయిందని పేర్కొంది.
