శాంతించని కరోనా.. చైనాలో 106కు చేరిన మృతులు

చైనాలో కరోనా వైరస్​ మృతుల సంఖ్య 106కు చేరింది. సోమవారం నాటికి 82 మంది చనిపోగా తాజాగా మరో 24 మంది ప్రాణాలు కోల్పోయారు. చైనా వ్యాప్తంగా మరో 4వేల మంది కరోనా బారిన పడి చికిత్స పొందుతున్నారు.

చైనాలో ప్రాణాంతక కరోనా వైరస్​తో రోజురోజుకు మృత్యుఘోష పెరుగుతూ పోతోంది.​ ఈ వైరస్​ బారిన పడి మరో 24 మంది ప్రాణాలు కోల్పోయారు. ఫలితంగా డ్రాగన్​ దేశంలో కరోనా మృతుల సంఖ్య 106కు చేరింది. ఇప్పటికే 2,744 మంది చికిత్స పొందుతుండగా కొత్తగా మరో 1,300 కేసులను గుర్తించినట్లు చైనా ఆరోగ్య శాఖ​ ప్రకటించింది. ఈ నేపథ్యంలో డ్రాగన్​లో ఈ వైరస్​ బారిన పడిన వారి సంఖ్య 4వేలు దాటింది.

చైనాలోనే కాక ప్రపంచవ్యాప్తంగా కరోనా విస్తరిస్తోంది. తాజాగా శ్రీలంక, కెనడాకు కూడా వ్యాపించింది. ఈ సందర్భంలో ప్రపంచ ఆరోగ్య సంస్థ ఓ ప్రకటన విడుదల చేసింది. ప్రాణాంతక కరోనాతో ప్రపంచానికి ముప్పు ఎక్కువేనని డబ్ల్యూహెచ్​ఓ వెల్లడించింది.