China Military Budget: వార్షిక రక్షణ బడ్జెట్‌ను శనివారం ప్రవేశపెట్టిన చైనా.. కేటాయింపుల్ని గణనీయంగా పెంచింది. క్రితం ఏడాదితో పోలిస్తే 7.1 శాతం నిధుల్ని పెంచి 230 బిలియన్‌ డాలర్లు (దాదాపు రూ.17.5 లక్షల కోట్లు) కేటాయించింది. భారత రక్షణ బడ్జెట్‌తో పోలిస్తే ఇది దాదాపు మూడింతలు. ఈ మేరకు శనివారం అక్కడి 'నేషనల్‌ పీపుల్స్‌ కాంగ్రెస్ (ఎన్పీసీ)'లో ప్రీమియర్‌ లీ కెఖియాంగ్‌ రక్షణ బడ్జెట్ ప్రతిపాదనల్ని ప్రవేశపట్టారు.
ఇండో-పసిఫిక్‌ ప్రాంతంలో పట్టు సాధించేందుకు ప్రయత్నిస్తున్న చైనా.. కేటాయింపుల్ని గణనీయంగా పెంచడం గమనార్హం. దేశ సార్వభౌమత్వం, భద్రత, అభివృద్ధిని కాపాడేందుకు 'పీపుల్స్‌ లిబరేషన్‌ ఆర్మీ (పీఎల్ఏ)' దృఢమైన, అనువైన రీతిలో సైనిక పోరాటాలను నిర్వహించాల్సిన అవసరం ఉందని లీ కెఖియాంగ్‌ అన్నారు. రక్షణ బడ్జెట్‌తో పాటు చైనా ప్రత్యేకంగా 'అంతర్గత భద్రతా బడ్జెట్'ను కూడా ప్రవేశపెడుతుంటుంది. దీనికి రక్షణ శాఖ కంటే అధిక కేటాయింపులు చేస్తుంటుంది.
ఏటా పెంపుదల..