కరోనా మూలాల్ని కనుగొనేందుకు సహకరిస్తాం: చైనా

వైరస్​ మూలాలపై తమ దేశంలో విచారణకు వస్తున్న డబ్ల్యూహెచ్​ఓకు సహకరిస్తామని చైనా తెలిపింది. మహమ్మారి అంతానికి చేస్తున్న ప్రయత్నంలో తమ పాత్ర ఉంటుందని స్పష్టం చేసింది.

కరోనా వైరస్​ మూలాలను కనుగొనడానికి జనవరిలో తమ దేశానికి వస్తున్న నేపథ్యంలో చైనా స్పందించింది. కరోనా మూలాలు కనిపెట్టే ప్రయత్నంలో ప్రపంచ ఆరోగ్య సంస్థ(డబ్ల్యూహెచ్​ఓ) నిపుణులకు సహకరిస్తామని తెలిపింది.

"కరోనా వైరస్ మూలాలను కనుగొనే ప్రయత్నం గురించి డబ్ల్యూహెచ్​ఓ మాకు సమాచారం అందించింది. మహమ్మారిని అంతం చేయడానికి చేసే ప్రయత్నాల్లో డబ్ల్యూహెచ్​ఓకు మా వంతు పూర్తి సహకారం ఉంటుంది."

-వాంగ్​ వెన్​బిన్, చైనా విదేశాంగ శాఖ ప్రతినిధి

కరోనా పుట్టుకపై తమ దేశంలో మాత్రమే ప్రత్యేకంగా విచారణ జరపడానికి నిరాకరిస్తున్న చైనా...నెలల తరబడి సంప్రదింపుల తర్వాత డబ్ల్యూహెచ్ఓను ఎట్టకేలకు అనుమతించింది. వచ్చే నెలలో పది మంది డబ్ల్యూహెచ్​ఓ నిపుణుల బృందం వుహాన్​కు బయలుదేరనున్నట్లు తెలుస్తోంది.

ఇదీ చూడండి :కొవిడ్‌-19: మిస్టరీ మూలాలపై దర్యాప్తు!