చైనాలో సున్నాకు చేరుకున్న కరోనా కేసులు!

చైనాలో తాజాగా ఒక్క కరోనా కేసు కూడా నమోదు కాలేదని చైనా ఆరోగ్య కమిషన్ ప్రకటించింది. విదేశాల నుంచి వచ్చిన వారిలో 34 మందికి ఈ మహమ్మారి వైరస్ సోకిందని స్పష్టం చేసింది.

ప్రపంచాన్ని గజగజలాడిస్తోన్న కరోనా మహమ్మారిని చైనా సమర్థవంతంగా నియంత్రిస్తోంది. తాజాగా దేశీయంగా ఒక్క కరోనా కేసు కూడా నమోదు కాలేదని ఆ దేశ ఆరోగ్య కమిషన్​ ప్రకటించింది. విదేశాల నుంచి వచ్చిన వారిలో 34 మందికి ఈ అంటువ్యాధి సోకినట్లు వైద్యులు గుర్తించారు. గత రెండు వారాల్లో అతిపెద్ద రోజువారీ పెరుగుదల ఇదేనని చైనా జాతీయ ఆరోగ్య కమిషన్​ పేర్కొంది.

జనవరి నుంచి కరోనాతో పోరాటం చేస్తోంది చైనా. పలు నియంత్రణ చర్యలు చేపట్టింది. ఎక్కడికక్కడ నిషాధాజ్ఞలు విధించింది. వైరస్​ వ్యాప్తిని అడ్డుకునేందుకు అన్ని రకాల అస్త్రాలు ఉపయోగించింది.

ఇదీ చూడండి:సరిహద్దుల మూసివేతతో కిలోమీటర్ల కొద్దీ ట్రాఫిక్​ జాం