కరోనా కేసుల్లో అమెరికా కొత్త రికార్డ్- చైనాలో ఆగని మరణాలు

కరోనా వైరస్​తో ప్రపంచం అల్లాడిపోతోంది. చైనాలో తాజాగా 45 మందికి వైరస్​ సోకడం వల్ల ఆ దేశంలో మొత్తం కరోనా పాజిటివ్​ కేసుల సంఖ్య 81,439కి చేరింది. అమెరికానూ వైరస్​ కలవరపెడుతోంది. రికార్డు స్థాయిలో పాజిటివ్​ కేసులు నమోదవుతున్నాయి. మృతుల సంఖ్య కూడా రోజురోజుకు భారీగా పెరుగుతోంది.

కరోనా​ ధాటికి అస్తవ్యస్తమైన చైనాలో తాజాగా మరో 45మందికి వైరస్​ సోకింది. వీరిలో ఒకరు చైనావాసి ఉండగా మిగిలిన వారంతా విదేశీయులు. దీనితో వైరస్​ బారిన పడిన విదేశీయుల సంఖ్య 693కు చేరింది. మొత్తం మీద కరోనా కేంద్రబిందువు చైనాలో 81వేల 439కేసులు నమోదయ్యాయి.

ప్రపంచ మహమ్మారి వల్ల చైనాలో తాజాగా ఐదుగురు మరణించారు. మొత్తం మృతుల సంఖ్య 3వేల 300కు చేరింది.

• చికిత్స పొందుతున్న వారు- 2,691
• డిశ్చార్చ్​ అయిన వారు- 75,448
• పరిస్థితి విషమంగా ఉన్నవారు- 742

అగ్రరాజ్యం విలవిల...

కరోనా వైరస్​తో అమెరికా విలవిలలాడుతోంది. రోజురోజుకు రికార్డు స్థాయిలో పాజిటివ్​ కేసులు నమోదవుతున్నాయి. ఇప్పటికే ప్రపంచంలోనే ఎక్కువ కేసులు నమోదైన అగ్రరాజ్యంలో.. తాజాగా మరో 21వేల 309మందికి వైరస్​ సోకింది. ఇది 23 శాతం ఎక్కువని ఆ దేశ ఆరోగ్యశాఖ వెల్లడించింది. దీనితో మొత్తం కేసుల సంఖ్య 1,23,750కు చేరింది.

అమెరికాలో మరణాల సంఖ్య కూడా రోజురోజుకు పెరుగుతోంది. తాజా మరణాలతో. మొత్తం మృతుల సంఖ్య 2,227కు చేరింది.

కోలుకున్న ప్రధాని భార్య

వైరస్​ బారిన పడ్డ కెనడా ప్రధాని జస్టిన్​ ట్రూడో సతీమణి ఆరోగ్యం మెరుగుపడింది. వైరస్​ను జయించడం వల్ల ఆమెకు కెనడా ప్రభుత్వం క్లియరెన్స్​ సర్టిఫికెట్​ను అందించింది. ఈ విషయాన్ని సోఫియా ట్రూడో స్వయంగా మీడియాకు తెలిపారు.

ఇదీ పరిస్థితి

ఇదీ చూడండి:-ప్రపంచంపై కరోనా పంజా.. 30వేలు దాటిన మరణాలు