చైనాలో కరోనా కేసులు మళ్లీ పెరుగుతుండటం అక్కడి అధికారులను ఆందోళనకు గురి చేస్తోంది. కొత్తగా 69మందికి పాజిటివ్గా తేలింది. ఇందులో 40 కేసులు రాజధాని బీజింగ్ను ఆనుకొని ఉన్న హెబీ రాష్ట్రంలోనే నమోదయ్యాయి. అక్కడ ఇప్పటివరకు 380మందికి పైగా వైరస్ బారిన పడినట్లు చైనా ఆరోగ్య శాఖ వెల్లడించింది. ముందు జాగ్రత్త చర్యగా బీజింగ్కు రాకపోకలపై ఆంక్షలు విధించినట్లు పేర్కొంది.
రాజధాని బీజింగ్లో కొత్తగా ఒక్కరికి వైరస్ సోకినట్లు అధికారులు తెలిపారు. అక్కడ మూడు వారాల క్రితం స్వల్పంగా కేసులు నమోదయ్యాయని, మొత్తం కేసుల సంఖ్య 32గా ఉందని పేర్కొన్నారు.
పాక్లో 5 లక్షలు..
పాకిస్థాన్లో కరోనా కేసుల సంఖ్య 5 లక్షలు దాటింది. ఆదివారం కొత్తగా 2,899మందికి పాజిటివ్గా తేలింది. వైరస్ కారణంగా ఇప్పటివరకు 10వేల 664 మంది ప్రాణాలు కోల్పోయారు. మరో 2,278 మంది ఆరోగ్య పరిస్థితి ఆందోళనకరంగా ఉంది.
కెనడాలో కర్ఫ్యూ..
కరోనా కేసులు ఆందోళనకర స్థాయిలో పెరుగుతన్న నేపథ్యంలో కెనడా క్యూబెక్ నగరంలో కర్ఫ్యూ విధించారు అధికారులు. 84 లక్షల మంది జనాభా ఉన్న ఈ రాష్ట్రంలో పరిస్థితి ప్రమాదకరంగా ఉన్నట్లు తెలిపారు. అందుకే సమూహాలు ఏర్పడకుండా కఠిన ఆంక్షలు అమలు చేస్తున్నట్లు చెప్పారు. వచ్చే నాలుగు వారాలు రాత్రి 8 నుంచి ఉదయం 5 గంటల మధ్య ఎవరైనా రోడ్లపై కనిపిస్తే 6వేల డాలర్ల వరకు జరిమానా విధిస్తామని హెచ్చరించారు.
ఇదీ చూడండి: పోప్కు వచ్చేవారం టీకా- నేతన్యాహుకు రెండో డోసు
