సంయుక్తంగా చైనా, పాక్​ వైమానిక దళ విన్యాసాలు

చైనా, పాకిస్థాన్​లు​ సంయుక్తంగా.. వాయుసేన విన్యాసాలు చేపట్టనున్నాయి. ఇరు దేశాల మధ్య సైనిక సహకారాన్ని పెంచుకునే లక్ష్యంతో ఈ కార్యక్రమం చేయనున్నారు. ఇందుకోసం పాక్​​ వైమానిక దళ బృందం.. చైనాకు బయలుదేరింది.

సైనిక సహకారాన్ని బలోపేతం చేసుకునే దిశగా చైనా, పాకిస్థాన్​లు మరో కార్యక్రమాన్ని తలపెట్టాయి. వైమానిక దళ విన్యాసాల్ని ఇరు దేశాలు సంయుక్తంగా చేపట్టనున్నాయి. ఈ మేరకు పాకిస్థాన్​ వాయుసేనలోని ఓ బృందం చైనాకు సోమవారం బయలుదేరింది. ఆచరణాత్మకంగా సైన్య సహకరాల్ని మెరుగుపరుచకోవడం, వాస్తవ పోరాట శిక్షణలో భాగంగా ఈ కార్యక్రమాన్ని నిర్వహిస్తున్నట్లు చైనా సైన్యం తెలిపింది.

పాక్​లోని సింధ్​ రాష్ట్రం భొలారీ జిల్లాలోని ఎయిర్​బేస్​కు చెందిన సైనికులు.. చైనాకు బయలుదేరారు. చైనాలోని షహీన్(ఈగల్​)​-ఐక్స్​ అనే ప్రాంతంలో జరిగే విన్యాసాల్లో వారు పాల్గొంటారని చైనా రక్షణ మంత్రిత్వ శాఖ తెలిపింది. డిసెంబర్​ చివరినాటికి ఈ కార్యక్రమం ముగియనుందని చెప్పింది. చైనా-పాకిస్థాన్​ సైనిక సహకార ప్రణాళిక-2020లో భాగంగా ఈ కార్యక్రమాన్ని నిర్వహిస్తున్నట్లు పేర్కొంది.

చైనా, పాక్​ల మధ్య ఈ తరహా విన్యాస కార్యక్రమం.. 2011, మార్చిలో పాకిస్థాన్​లో తొలిసారి జరిగింది. జేఎఫ్​-17 యుద్ధ విమానం, సహా ఇతర ఆయుధాల ఉత్పత్తుల్లో పాకిస్థాన్​కు చైనా సహకారం అందిస్తోంది.

ఇదీ చూడండి:ఆంక్షల భయంతో బైడెన్​కు చైనా 'చర్చల' వల!