105 మొబైల్​ యాప్​లపై చైనా నిషేధం

చైనా ప్రభుత్వం 105 యాప్​లను నిషేధించింది. వాటిని ఈ వారంలోనే యాప్​ స్టోర్​ నుంచి తొలగించాలని జాతీయ సైబర్​స్పేస్​ ఉత్తర్వులు జారీ చేసింది. అశ్లీలత, ఇతర తప్పుడు సమాచారాన్ని తగ్గించేందుకే ఈ నిర్ణయం తీసుకున్నట్లు తెలుస్తోంది.

తమ దేశంలో అశ్లీలత, ఇతర తప్పుడు సమాచారాన్ని నియంత్రించేందుకు చైనా కీలక నిర్ణయం తీసుకుంది. తన భాగస్వామి​ ట్రిప్​అడ్వైజర్ సహా 105 మొబైల్​ యాప్​లను యాప్​స్టోర్​ నుంచి తొలగించాలని జాతీయ సైబర్​స్పేస్​ ఉత్తర్వులు జారీ చేసింది. అశ్లీలత, పోర్నోగ్రఫీ, హింసాత్మక సమాచారం, మోసాలు, వ్యభిచారం వంటివాటిపై ప్రజల నుంచి వచ్చిన ఫిర్యాదుల మేరకు ఈ చర్యలు చేపట్టినట్లు అధికారులు తెలిపారు.

అయితే ట్రిప్​అడ్వైజర్​ చైనా, ట్రిప్​ అడ్వైజర్​కు జాయింట్ వెంచర్ అయిన ట్రిప్​.కామ్ ఇంకా ఈ నిషేధంపై స్పందించలేదు.

ఇదీ చూడండి:'చైనా టీకా 86% సమర్థవంతం'