చైనా కౌంటర్​: అమెరికా కాన్సులేట్​ మూసివేతకు ఆదేశం

అమెరికాలోని దౌత్య కార్యాలయం మూసివేతపై ప్రతికార చర్యలు చేపట్టింది చైనా. చెంగ్డు నగరంలోని అగ్రరాజ్య రాయబార కార్యాలయం మూసివేతకు ఆదేశించింది.

అమెరికా, చైనాల మధ్య ఉద్రిక్తతలు మరింత ముదిరే అవకాశాలు కనిపిస్తున్నాయి. హ్యూస్టన్​లోని చైనా రాయబార కార్యాలయాన్ని మూసివేయాలని అమెరికా ఆదేశించిన నేపథ్యంలో.. చైనా ప్రతికార చర్యలకు సిద్ధమైంది. చెంగ్డు నగరంలోని అమెరికా దౌత్య కార్యాలయాన్ని మూసివేయాలని ఆదేశించింది.

గూఢచర్య ఆరోపణలతో హ్యూస్టన్​లోని చైనా దౌత్య కార్యాలయాన్ని మూసివేయాలని రెండురోజుల క్రితమే ఆదేశించింది అమెరికా. మరిన్ని రాయబార కార్యాలయాల మూసివేత దిశగా సంకేతాలిచ్చింది. చైనాకు చెందిన ఇంకొన్ని దౌత్య కార్యాలయాలను మూసివేసే అవకాశాలను తోసిపుచ్చలేమని అమెరికా అధ్యక్షుడు డొనాల్డ్​ ట్రంప్​ వ్యాఖ్యానించటం ఇందుకు బలం చేకూర్చుతోంది.

ఇవీ చూడండి:'చైనా కాన్సులేట్​ మూసివేతకు అమెరికా ఆదేశం'