సైన్యం కోసం చైనా 5జీ సిగ్నల్​ సదుపాయం

సరిహద్దుల్లో విధుల్లో నిర్వర్తించే సైన్యంతో సమాచార వ్యవస్థను పటిష్ఠం చేసుకునేందుకు 5జీ సిగ్నల్​ కేంద్రాన్ని చైనా ప్రారంభించింది. ప్రపంచంలోనే ఎత్తైన ప్రాంతంలో ఉన్న టిబెట్​లోని రాడార్​ స్టేషన్​ వద్ద దీన్ని ఏర్పాటు చేసింది.

సరిహద్దులోని సైనికుల సౌకర్యార్థం 5జీ సిగ్నల్​ బేస్​ను చైనా ప్రారంభించింది. టిబెట్​ హిమాలయ కొండ ప్రాంతాల్లోని గన్​బాలా రాడార్​ స్టేషన్ వద్ద దీనిని ఏర్పాటు చేసింది. ఈ రాడార్​ స్టేషన్​.. ప్రపంచంలోనే అత్యంత ఎత్తులో(5,374 మీటర్లు) ఉండటం గమనార్హం. టిబెట్​లోని నాగార్జే కౌంటీలో ఈ 5జీ సిగ్నల్​ బేస్​ ఉంది. ఇది భారత్​, భూటాన్​ సరిహద్దుకు సమీపంలోని ప్రాంతం.

సరిహద్దులో భద్రతా బలగాలకు నెట్​వర్క్​ సమస్యలను పరిష్కరించాలనే ఉద్దేశంతో.. ఈ 5జీ బేస్​ స్టేషన్​ నిర్మాణ పనులను పీపుల్స్​ లిబరేషన్​ ఆర్మీ గతేడాది చేపట్టింది. దీని ద్వారా ద్వారా కొండ ప్రాంతాల్లో సమాచార వ్యవస్థ పదిలంగా ఉంటుందని సదరు వెబ్​సైట్​ పేర్కొంది. అంతేకాకుండా.. సరిహద్దులో ఉండే సైనికులకు నిస్సార జీవితం నుంచి విముక్తి కల్పించేందుకు ఉపయోగపడుతుందని తెలిపింది. భద్రతా దళాల విధినిర్వహణ పరిస్థితులను మెరుగుపరిచే ప్రయత్నంలో భాగమే ఈ ఏర్పాటు అని చెప్పింది.

ఇదీ చూడండి:అణు కర్మాగారంపై దాడి ఇజ్రాయెల్ పనే: ఇరాన్