నాసా-స్పేస్ఎక్స్ ఘనతలను ప్రపంచం ప్రశంసిస్తున్న వేళ.. చైనా నిశ్శబ్దంగా అంతరిక్ష ప్రయాణాలు చేసేస్తోంది. అంతరిక్ష ప్రయోగాల్లో విజయాలే లక్ష్యంగా దూసుకుపోతోంది. 36గంటల వ్యవధిలో రెండు రాకెట్లలో నాలుగు ఉపగ్రహాలను అంతరిక్షంలోకి విజయవంతంగా పంపింది. ఈ విషయాన్ని స్పేస్ డాట్ కామ్ ప్రకటించింది. మే 30న నాసా డెమో-2ను అంతరిక్షంలోకి పంపిన సమయంలోనే చైనా రెండు రాకెట్లను పంపినట్లు వెల్లడించింది.
మొదటి ప్రయోగం...
బీజింగ్ కాలమానం ప్రకారం మే 30 తెల్లవారుజామున 4:13 నిముషాలకు నూతన సాంకేతికతో కూడిన రెండు శాటిలైట్లను విజయవంతంగా అంతరిక్షంలోకి ప్రయోగించింది చైనా. వీటిని 'లాంగ్ మార్చ్-11' అనే రాకెట్ నింగిలోకి మోసుకెళ్లినట్టు ఆ దేశ మీడియా తెలిపింది.
'జిచాంగ్ శాటిలైట్ ప్రయోగ కేంద్రం నుంచి లాంగ్ మార్చ్-11 రాకెట్ను ప్రయోగించటం ఇదే తొలిసారి. ఈ విజయంతో ఇతర రాకెట్లను నింగిలోకి ప్రయోగించటానికి వేదికగా ఈ కేంద్రం మారింద'ని లాంగ్ మార్చ్-11 రాకెట్ చీఫ్ డిజైనర్ పెంగ్ కున్యా అన్నారు.
రెండో ప్రయోగం...
మరో 36 గంటల్లోనే వాయువ్య చైనా ప్రాంతం నుంచి మరో రెండు ఉపగ్రహాలను ప్రయోగించింది. మే 31న బీజింగ్ కాలమానం ప్రకారం సాయంత్రం 4:53 నిముషాలకు 'లాంగ్ మార్చి-2డీ' అనే పేరుతో మరో రాకెట్ను జియుక్వాన్ శాటిలైట్ ప్రయోగ కేంద్రం నుంచి నింగిలోకి పంపించింది చైనా.
చైనా పంపిన ఉపగ్రహాల్లో ఒక దాని పేరు 'గాఫెన్-9' అని ఆ దేశ మీడియా తెలిపింది. ఈ మానవ నియంతృత శాటిలైట్ ద్వారా 3.3 అడుగులు (1 మీటరు) దూరాన ఉన్న చిత్రాలను కూడా తీసేవిధంగా రూపొందించినట్లు వెల్లడించింది. అంతేకాకుండా దీని ద్వారా భూ సర్వేలు, పట్టణ ప్రణాళిక, రహదారుల నిర్మాణాల ప్రణాళికలను రూపొందించటం, పంటల దిగుమతులను అంచనా వేయవచ్చని పేర్కొంది. విపత్తు సమయంలోనూ ఈ శాటిలైట్ ఎంతగానో ఉపయోగపడుతుందని మీడియా స్పష్టం చేసింది.
మరో ఉపగ్రహం పేరు 'హెడ్-4'. ఇంటర్నెట్ ఆఫ్ థింగ్స్కు మద్దతుగా దీనిని రూపొందించారు. కక్ష నుంచి అనుసంధానమైన పరికరాలకు సమాచారాన్ని చేరవేస్తుంది.
ఇదీ చూడండి:అన్లాక్ 1.0: సోమవారం ఆతిథ్యం, పర్యటకం షురూ
