కరోనా వైరస్ మూలాలు వుహాన్లోని ఒక జీవ ప్రయోగశాలలో ఉన్నాయని అమెరికా చేసిన ఆరోపణను చైనా మరోసారి తోసిపుచ్చింది. ప్రపంచంలోని వేర్వేరు ప్రదేశాల్లో ఇది వెలుగులోకి వచ్చి ఉంటుందే గానీ తమ ల్యాబ్ నుంచి కాదని స్పష్టం చేసింది.
కరోనాకు కారణం వుహాన్ ప్రయోగశాల కాదు: చైనా - who team goes to chaina onfinding of corona vairus outbreak
కరోనా వైరస్ తమ దేశంలో ఉద్భవించలేదని చైనా మరోసారి తేల్చిచెప్పింది. వైరస్ మూలాలను కనుగొనడానికి డబ్ల్యూహెచ్ఓ బృందం.. చైనాను ఈ నెలలో సందర్శించనున్న నేపథ్యంలో ఈ వ్యాఖ్యలు ప్రాధాన్యతను సంతరించుకున్నాయి.
కరోనాకు కారణం వుహాన్ ప్రయోగశాల కాదు: చైనా
కరోనా పుట్టుపూర్వోత్తరాలు తెలుసుకునేందుకు ప్రపంచ ఆరోగ్య సంస్థ(డబ్ల్యూహెచ్వో)కు చెందిన 10మంది సభ్యుల బృందం ఈ నెలలో వచ్చి దర్యాప్తు నిర్వహిస్తుందన్న వార్తల నేపథ్యంలో విదేశాంగ మంత్రిత్వశాఖ అధికార ప్రతినిధి హువా చున్యింగ్ సోమవారం ఈ మేరకు స్పందించారు. వుహాన్ నగరాన్ని ఈ బృందం సందర్శించడానికి అనుమతి ఇచ్చేదీ లేనిదీ చైనా ఇంకా తేల్చి చెప్పలేదు. డబ్ల్యూహెచ్వోతో సహకారానికి అత్యంత ప్రాధాన్యమిస్తామని మాత్రం హువా చెప్పారు.