భారత్కు వ్యతిరేకంగా పాక్తో కలిసి చైనా కుట్రలు పన్నుతోందా? భారత్పై దాడికి పాక్ను పావుగా వాడుకుంటోందా? చైనా ఇటీవలి చర్యలను బట్టి.. ఈ ప్రశ్నలకు అవుననే సమాధానం వినిపిస్తోంది. తాజాగా.. అత్యంత అధునాతన యుద్ధనౌకను పాక్కు చైనా(China Pakistan News) సరఫరా చేసింది. ఇలాంటి యుద్ధనౌకను విదేశాలకు చైనా(China Pakistan News) ఎగుమతి చేయడం ఇదే తొలిసారి. ఈ మేరకు చైనా మీడియా తెలిపింది.
చైనా స్టేట్ షిప్ బిల్డింగ్ కార్పొరేషన్ లిమిటెడ్(సీఎస్సీసీ) నిర్మించిన ఈ యుద్ధనౌకను పాకిస్థాన్ నౌకాదళానికి డ్రాగన్ అప్పగించింది. షాంఘైలో జరిగిన ఓ కార్యక్రమంలో దీన్ని అందించినట్లు 'గ్లోబల్ టైమ్స్' వెల్లడించింది. టైప్ 054ఏ/పీ రకానికి చెందిన ఈ యుద్ధనౌకకు పాకిస్థాన్ నేవీ.. 'పీఎన్ఎస్ తుఘ్రిల్'గా నామకరణం చేసినట్లు చెప్పింది.