కరోనా మహమ్మారి యావత్‌ ప్రపంచాన్ని గడగడలాడిస్తోంది. ముఖ్యంగా లాక్‌డౌన్‌ ప్రభావం విమానయాన రంగంపై తీవ్రంగా పడింది. దీంతో ఇప్పుడిప్పుడే అన్ని దేశాల్లో విమాన సర్వీసులు ప్రారంభమవుతున్నాయి. ఈ నేపథ్యంలో చైనా విమానయానశాఖ తమ సిబ్బందికి 38 పేజీలతో కూడిన కీలక ఉత్తర్వులు జారీ చేసింది.
అందులో.. కరోనాను ఎదుర్కోవడానికి సిబ్బంది తీసుకోవాల్సిన జాగ్రత్తల గురించి వివరించింది. ముఖ్యంగా సిబ్బంది డైపర్లు వాడాలని సూచించింది. కరోనా సోకే అవకాశం ఎక్కువ ఉన్న విమానాల్లో సిబ్బంది బాత్‌రూమ్‌లు వినియోగించొద్దని స్పష్టం చేసింది.