అఫ్గాన్​ను కుదిపేసిన ఆత్మాహుతి దాడి- ఐదుగురు మృతి

అఫ్గానిస్థాన్ రాజధాని కాబుల్​లో పేలుడు సంభవించింది. ఆత్మాహుతి దాడి జరిగినట్లు ప్రభుత్వ యంత్రాంగం స్పష్టం చేసింది. ఈ ఘటనలో ఐదుగురు మరణించారు.

అఫ్గానిస్థాన్ రాజధాని కాబుల్​లో జరిగిన ఆత్మాహుతి దాడిలో ఐదుగురు మరణించారు. ఈ ఉదయం సుమారు 7 గంటల సమయంలో ఓ దుండగుడు తన వెంట తెచ్చుకున్న పేలుడు పదార్థాలతో దాడికి పాల్పడ్డాడు. ముగ్గురు భద్రతా సిబ్బంది సహా ఇద్దరు పౌరులు ఈ ఘటలో ప్రాణాలు కోల్పోయినట్లు అఫ్గాన్ అంతర్గత వ్యవహారాల శాఖ అధికారులు వెల్లడించారు. మరో ఆరుగురు గాయపడ్డట్లు ఆ దేశ రక్షణ శాఖ ప్రకటించింది.

మార్షల్ ఫాహిం మిలటరీ అకాడమీ సమీపంలో పేలుడు సంభవించినట్లు ప్రత్యక్ష సాక్షులు తెలిపారు. పేలుడు అనంతరం తుపాకీ శబ్దాలు వినిపించినట్లు వెల్లడించారు. గతంలోనూ ఈ ప్రాంతంలో పలు దాడులు జరగడం గమనార్హం.

గత కొద్ది రోజుల్లో కాబుల్​లో జరిగిన అతిపెద్ద దాడి ఇదేనని తెలుస్తోంది. తాలిబన్లతో అమెరికా చర్చలు జరుపుతున్న నేపథ్యంలో తాజా పేలుడు కలకలం రేపుతోంది. అయితే ఈ ఘటనపై ఏ ఉగ్రవాద సంస్థ బాధ్యత ప్రకటించుకోలేదు.

ఇదీ చదవండి: ఆప్​ కీ దిల్లీ:​ హ్యాట్రిక్​ దిశగా కేజ్రీ.. మళ్లీ ప్రభంజనం!