దేశాధ్యక్షుడి సభలో పేలిన బాంబు- 24 మంది మృతి

అఫ్గానిస్థాన్​ అధ్యక్షుడు అష్రఫ్ ఘనీ ప్రసంగిస్తున్న సభలో బాంబు పేలి 24 మంది మరణించారు. ఘనీ క్షేమంగానే ఉన్నారని అధికారులు ప్రకటించారు.

అఫ్గానిస్థాన్​ మరోసారి బాంబుల మోతతో దద్దరిల్లింది. ఈసారి ఏకంగా ఆ దేశ అధ్యక్షుడు అష్రఫ్​ ఘనీ సభలోనే పేలుళ్లకు పాల్పడ్డారు దుండగులు. ఉత్తర పర్వాన్​ రాష్ట్రంలో జరిగిన ఈ మారణకాండలో 24 మంది మరణించారు.

సభ జరుగుతున్న సమయంలో ప్రవేశ ద్వారం వద్ద పేలుడు సంభవించింది. ఓ పోలీస్​ వాహనానికి ఈ బాంబును అమర్చినట్లు తెలుస్తోంది. ప్రమాదం జరిగిన సమయంలో ఘనీ అక్కడే ఉన్నారనీ, అయితే ఆయన క్షేమంగానే ఉన్నారని అధికారులు తెలిపారు.

ఈ ఘటనకు ఇప్పటివరకు ఏ ఉగ్ర సంస్థ బాధ్యత ప్రకటించలేదు. ఈ నెల చివరలో అధ్యక్ష ఎన్నికలు ఉన్న నేపథ్యంలో దేశవ్యాప్తంగా ఉగ్రవాద దాడులు ఎక్కువయ్యాయి.

ఇదీ చూడండి: హాంకాంగ్​లో రైలు ప్రమాదం- నిరసనకారులే కారణం!