బంగ్లాదేశ్ స్వాతంత్ర్య సమరయోధుడు షేక్ ముజిబుర్ రెహ్మాన్ను 1975లో హత్య చేసిన కేసులో ఆ దేశ మాజీ సైనికాధికారికి ఉరిశిక్ష విధించారు. ఈ ఘటన జరిగిన సుమారు నాలుగున్నర దశాబ్దాల తర్వాత దేశ రాజధాని ఢాకా సెంట్రల్ జైలులో అబ్దుల్ మాజెద్ను ఉరి తీశారు.
బంగబంధు హత్యకేసు దోషికి 45 ఏళ్ల తర్వాత ఉరిశిక్ష
బంగ్లాదేశ్ స్వాతంత్ర్య సమరయోధుడు ముజిబుర్ హత్య కేసులో మాజీ సైనికాధికారిని ఉరి తీశారు. ఈ ఘటన జరిగిన సుమారు 45ఏళ్ల తర్వాత దోషికి మరణశిక్ష అమలైంది.
బంగబంధు హత్యకేసులో దోషికి 45 ఏళ్ల తర్వాత ఉరిశిక్ష
ఉరిశిక్ష విధించే ముందు మాజెద్ క్షమాభిక్ష పిటిషన్ను రాష్ట్రపతి అబ్దుల్ హమీద్ తిరస్కరించారు. 25ఏళ్లుగా పరారీలో ఉన్న మాజెద్ను మంగళవారం ఢాకాలో పోలీసులు అరెస్టు చేశారు. ఇన్నేళ్లు భారత్లోని కోల్కతాలో తలదాచుకున్నట్లు అధికారులు తెలిపారు.
ముజిబుర్ రెహ్మాన్ సహా ఆయన కుటుంబ సభ్యులను 1975లో హత్య చేసిన కేసులో 12 సైనిక అధికారులకు మరణశిక్ష పడింది. వారిలో ఐదుగురికి 2010లో ఉరిశిక్ష అమలు చేశారు. పరారీలో ఉంటూ పాకిస్థాన్ తదితర దేశాల్లో తలదాచుకుంటున్న వారిపై ఇంటర్పోల్ రెడ్ అలర్ట్ ప్రకటించింది.