ఆస్ట్రేలియాలో కార్చిచ్చు.. పదుల సంఖ్యలో గృహాలు దగ్ధం

కొద్ది రోజుల నుంచి ఆస్ట్రేలియా వనాలను ఆహుతి చేస్తోన్న కార్చిచ్చు పలు భవనాలను, ఇళ్లను బూడిద చేస్తోంది. న్యూ సౌత్​ వేల్స్​లో రగిలిన అగ్ని కీలలు పదుల సంఖ్యలో గృహాలను నాశనం చేశాయి.

ఆస్ట్రేలియా అడవులను కొద్ది రోజుల నుంచి బుగ్గి చేస్తోన్న కార్చిచ్చు.. ఇళ్లనూ ఆహుతి చేస్తోంది. న్యూ సౌత్​ వేల్స్​లో అంటుకున్న దావానలం వల్ల పదుల సంఖ్యలో గృహాలు దగ్ధమయ్యాయి.

పలు ప్రాంతాల్లో భారీ నష్టం..

వాయువ్య సిడ్నీలోని గోస్పర్స్ పర్వత శ్రేణుల్లో, నగరానికి నైరుతి దిశలో ఉన్న గ్రీన్ వాటిల్ క్రీక్ ప్రాంతం, దక్షిణ తీరంలోని కుర్రోవన్ బుష్ ప్రాంతాల్లో రాజుకున్న కార్చిచ్చు వల్ల భారీగా నష్టం సంభవించింది. ఈ మంటల వల్ల నగర సమీపాన ఉన్న పలు గ్రామాలు గత మూడు రోజుల్లో నాశనమయ్యాయి.

60 ప్రాంతాల్లో అదుపులోకి...

మొత్తం 110 చోట్ల మంటలు వ్యాపించగా సుమారు 2 వేల అగ్నిమాపక వాహనాలు, 100 మందితో కూడిన 5 బృందాల సిబ్బంది రంగంలోకి దిగారు. సుమారు 60 ప్రాంతాల్లో మంటలను అదుపు చేశారు.

ఇదీ చూడండి:ఆస్ట్రేలియాలో భీకర కార్చిచ్చు.. 47 డిగ్రీల ఉష్ణోగ్రత నమోదు