ఆస్ట్రేలియా ప్రధానిపై గుడ్డుతో మహిళ దాడి

ఆస్ట్రేలియాలోని న్యూ సౌత్​వేల్స్​లో ఆ దేశ ప్రధానిపై ఓ మహిళ గుడ్డుతో దాడి చేసింది. వెంటనే స్పందించిన అధికారులు ఆమెను అదుపులోకి తీసుకున్నారు. మహిళ వద్ద డజనకుపైగా గుడ్లున్నాయని వెల్లడించారు.

ఆస్ట్రేలియా ప్రధానమంత్రి స్కాట్​ మోరిసన్​పై ఓ మహిళ గుడ్డుతో దాడి చేసింది. ఈ ఘటన న్యూ సౌత్​వేల్స్​లోని ఆల్​బురిలో జరిగింది. అధికారులు మహిళను అదుపులోకి తీసుకున్నారు. ఈ దృశ్యాలు సామాజిక మాధ్యమాల్లో వైరల్​ అయ్యాయి.

గుడ్డుతో దాడి చేసిన అనంతరం పారిపోతూ ఓ వృద్ధురాలిని నిందితురాలు ఢీకొంది. వృద్ధురాలు మార్గరేట్​ బాక్స్​టర్​ కిందపడింది. వెంటనే స్పందించిన ప్రధాని మార్గరేట్​కు ఆమెకు సహాయం చేశారు.

ఓటర్లతో మాట్లాడుతుండగా...

ఈ నెల 18న అస్ట్రేలియాలో సాధారణ ఎన్నికలు జరగనున్నాయి. ప్రధాని మోరిసన్​ న్యూ సౌత్​వేల్స్​లో ప్రచార కార్యక్రమానికి హాజరయ్యారు. ఓటర్లతో మాట్లాడుతుండగా... వెనుక నుంచి మహిళ ప్రధాని తలపై గుడ్డు కొట్టింది. పక్కనే ఉన్నవారు ఆశ్చర్యానికి గురయ్యారు. గుడ్డు పగల లేదు.

మహిళ వద్ద డజనుకుపైగా గుడ్లు ఉన్నాయని పోలీసులు వెల్లడించారు.

'తగిన శాస్తి...'

ఈ ఘటనపై నిందితురాలు స్పందించింది. ప్రధాని మోరిసన్​కు తగిన శాస్తి జరిగిందని తెలిపింది. వృద్ధురాలిని గాయపరచాలనుకోలేదని స్పష్టం చేసింది.

ప్రధాని స్పందన...

తనపై జరిగిన దాడిని ఆస్టేలియా ప్రధాని ఖండించారు. వృద్ధురాలి పరిస్థితి పట్ల చింతిస్తున్నట్టు ట్వీట్​ చేశారు. రక్షణ సిబ్బందికి ధన్యవాదాలు తెలిపారు.

ఇదీ చూడండి- టార్గెట్​ మోదీ: ప్రియాంక నోట దుర్యోధనుడి కథ