ఆస్ట్రేలియా వెళ్లేవారికి గుడ్​న్యూస్.. ప్రయాణ ఆంక్షలు ఎత్తివేత!

ఆస్ట్రేలియా వెళ్లాలనుకునే (Australia Travel Exemption) భారత ప్రయాణికులకు శుభవార్త. విదేశీ ప్రయాణికులపై ఉన్న ఆంక్షలను సడలిస్తున్నట్లు అక్కడి ప్రభుత్వం ప్రకటించింది. వ్యాక్సినేషన్ పూర్తైన వీసా హోల్డర్లను డిసెంబర్ 1 నుంచి ప్రయాణ ఆంక్షల నుంచి మినహాయించనుంది. భారతీయ ఉద్యోగులు, విద్యార్థులకు (Australia travel from India) ఈ నిర్ణయంతో ప్రయోజనం కలగనుంది.

కరోనా నియంత్రణ కోసం అమలు చేస్తున్న కఠినమైన ప్రయాణ ఆంక్షలను సడలిస్తున్నట్లు (Australia Travel ban lift) ఆస్ట్రేలియా ప్రకటించింది. డిసెంబర్ 1 నుంచి వ్యాక్సినేషన్ పూర్తైన వీసా హోల్డర్లు ఆస్ట్రేలియాకు (Australia Travel ban update) రావొచ్చని తెలిపింది. ఇందుకోసం ముందస్తు అనుమతులు పొందాల్సిన అవసరం లేదని స్పష్టం చేసింది. ఈ నిర్ణయంతో వేలాది మంది భారతీయ ఉద్యోగులు, విద్యార్థులకు ప్రయోజనం కలగనుంది.

ఆస్ట్రేలియా థెరపెటిక్ గూడ్స్ అడ్మినిస్ట్రేషన్ గుర్తించిన టీకా డోసులను పూర్తిగా తీసుకున్నవారికి ప్రయాణ ఆంక్షల మినహాయింపు ఉంటుంది. స్వదేశానికి రావాలనుకున్నవారికి సరైన వీసా ఉండటం తప్పనిసరి. ప్రయాణికులు తమ కరోనా వ్యాక్సినేషన్ సర్టిఫికెట్​ను సమర్పించాల్సి ఉంటుంది. దీంతో పాటు కొవిడ్ నెగెటివ్ ధ్రువీకరణ పత్రాన్ని అందించాలి. ఇది మూడు రోజుల లోపుదై ఉండాలి.

క్వారంటైన్ రూల్స్ పాటించాలి..

ఆస్ట్రేలియాకు వచ్చేవారు క్వారంటైన్ నిబంధనలను పాటించాలని అక్కడి ప్రభుత్వం స్పష్టం చేసింది. అయితే, జపాన్, దక్షిణ కొరియా పౌరులు క్వారంటైన్ నిబంధనలతో సంబంధం లేకుండా ఆస్ట్రేలియాకు వెళ్లవచ్చు.

అమెరికా సైతం..

ఇటీవలే అగ్రరాజ్యం అమెరికా సైతం అంతర్జాతీయ ప్రయాణికులపై ఆంక్షలను ఎత్తివేసింది. నవంబర్ 8 నుంచి భారత్ నుంచి రాకపోకలు ప్రారంభమయ్యాయి. పూర్తిస్థాయిలో వ్యాక్సిన్​ తీసుకున్నవారిని అనుమతిస్తోంది అమెరికా. దీంతో ఆంక్షల కారణంగా భారత్​లో చిక్కుకున్న ప్రవాసులు తిరుగు ప్రయాణం చేపడుతున్నారు.

ఇదీ చదవండి:'ఆ విమానాలు పూర్తిస్థాయిలో నడవడం ఇప్పట్లో కష్టమే!'