మంచుచరియలు విరిగిపడి ముగ్గురు మృతి

రష్యా- సైబీరియా స్కీ రిసార్ట్​లో మంచు చరియలు విరిగిపడటం వల్ల.. ముగ్గురు మృతి చెందారు. ఈ ఘటనలో 14 ఏళ్ల ఓ బాలుడు గాయపడ్డాడు.

రష్యాలోని సైబీరియాలో కొద్ది రోజులుగా భారీ ఎత్తున మంచు కురుస్తోంది. నోరిల్స్క్​లోని స్కీ రిసార్ట్​లో శనివారం మంచు చరియలు విరిగిపడిన ఘటనలో.. ముగ్గురు (భార్యాభర్త, చిన్నారి) చనిపోయారు. మంచు చరియల కింద చిక్కుకున్న ఓ క్యాబిన్​ నుంచి.. 14 ఏళ్ల బాలుణ్ని కాపాడారు రక్షణ సిబ్బంది.

మంచు చరియలను తొలగించేందుకు అక్కడి అత్యవసర సిబ్బంది శ్రమిస్తున్నారు. ఈ ఘటనపై సీసీటీవీ ఫుటేజీ ఆధారంగా దర్యాప్తు చేపట్టారు అధికారులు.

ఇదీ చదవండి:అమ్మో కిమ్మో.. ఈ అనూహ్య మార్పులేంటయా!