ఐదుకు చేరిన పాకిస్థాన్​ పేలుడు మృతుల సంఖ్య

పాకిస్థాన్​లోని కరాచీ గుల్షాన్​ ఈ ఇక్బాల్​ ప్రాంతంలో సంభవించిన పేలుడులో మృతుల సంఖ్య ఐదుకు చేరింది. 15 మందికి పైగా గాయాలయ్యాయి. ఘటన పై పూర్తి నివేదిక సమర్పించాలని సింధ్​ ముఖ్యమంత్రి మురాద్​ అలీ పోలీసులను ఆదేశించారు.

పాకిస్థాన్​ కరాచీ విశ్వవిద్యాలయం మస్కాన్​కు ఎదురుగా ఉన్న నాలుగు అంతస్తుల భవనంలో సంభవించిన పేలుడులో మరణించిన వారి సంఖ్య ఐదుకు చేరింది. ఇందులో 15మందికి గాయాలయ్యాయి. ఈ ఘటన పై సింధ్​ ముఖ్యమంత్రి స్పందించారు. పేలుడుకు గల కారణాలపై నివేదిక సమర్పించాలని పోలీసులను ఆదేశించారు.

పోలీసులు మాత్రం ఇది కేవలం సిలిండర్​ పేలుడుగా అంచనాకు వేస్తున్నారు. దీనికి సంబంధించిన పూర్తి సమాచారం విచారణలో తెలియాల్సి ఉందని తెలిపారు. ఈ పేలుడుతో సమీప భవనాలు కూడా దెబ్బతిన్నట్లు అధికారులు పేర్కొన్నారు. పేలుడు ఏ విధంగా జరిగిందనే కోణంలో దర్యాప్తు చేపట్టారు.

మరో పేలుడు..

నగరంలో మరో పేలుడు జరిగింది. షెరిన్ జిన్నా కాలనీ సమీపంలో బస్ స్టాండ్​ ప్రవేశద్వారం వద్ద బాంబు పేలి ఐదుగురు గాయపడ్టారు. ఇది టెర్మినల్ గేట్ వద్ద ఉన్న ఇంప్రూవైజ్డ్ పేలుడు పరికరం (ఐఇడీ) ద్వారా సంభవించిందని పోలీసు వర్గాలు తెలిపాయి.