ఐఎస్‌ఎస్‌కు ముగ్గురు వ్యోమగాములను పంపిన రష్యా

అంతర్జాతీయ అంతరిక్ష కేంద్రంలోకి ముగ్గురు వ్యోమగాములను విజయవంతంగా పంపించింది రష్యా. వారిలో ఒకరు అమెరికా, ఇద్దరు రష్యా నుంచి ఉన్నట్లు తెలిపింది.

అంతర్జాతీయ అంతరిక్ష కేంద్రం(ఐఎస్‌ఎస్‌)లో పనిచేసేందుకు వ్యోమగాములతో కూడిన రాకెట్​ను రష్యా విజయవంతంగా ప్రయోగించింది. ఈమేరకు కజకిస్థాన్​లోని బైకనూర్ ప్రయోగ కేంద్రం నుంచి సోయుజ్ ఎంఎస్-18 అంతరిక్ష నౌకలో ముగ్గురు వ్యోమగాములను పంపినట్లు రష్యా పేర్కొంది.

వారిలో ఇద్దరు రష్యా వ్యోమగాములతో పాటు ఒకరు నాసా వ్యోమగామి ఉన్నట్లు తెలిపింది. బయోలజీ, బయోటెక్నాలజీ, భౌతిక శాస్త్రం, ఎర్త్​ సైన్సెస్​లలో వారు పరిశోధనలు చేయనున్నారు.

ఇదీ చూడండి:బంగాల్​ దంగల్​: నాలుగో దశకు సర్వం సిద్ధం