Afghan Avalanche: అఫ్గానిస్థాన్‌ ఈశాన్య ప్రాంతంలోని సరిహద్దుల్లో భారీ హిమపాతం సంభవించింది. ఈ ప్రమాదంలో 12 మంది మరణించారు. మరో తొమ్మిది మంది గాయపడ్డారు. ఓ వ్యక్తి ఆచూకి తెలియట్లేదని అధికారులు తెలిపారు. హిమపాతం సంభవించిన అనంతరం కొండచరియలు కూడా విరిగిపడ్డాయని వెల్లడించారు.
ఈ ఘటన జరిగిన వెంటనే సమీప గ్రామాల ప్రజలు సహాయం చేయడానికి వెళ్లారు. సోమవారం తెల్లవారుజామున మారుమూల ప్రాంతానికి రెస్క్యూ బృందాలను పంపినట్లు జిల్లా యంత్రాంగం కూడా తెలిపింది.