ప్రపంచవ్యాప్తంగా కరోనా పంజా విసురుతోంది. ఆంక్షలు సడలించిన నేపథ్యంలో రోజు రోజుకు రికార్డు స్థాయిలో కొత్త కేసులు నమోదవుతున్నాయి. మొత్తం కేసుల సంఖ్య కోటి ముప్పై లక్షలకు చేరువైంది. 5.68 లక్షల మందికిపైగా మరణించారు. అమెరికా, బ్రెజిల్, రష్యా, పెరు వంటి దేశాల్లో వైరస్ విజృంభిస్తోంది.
కరోనా పంజా.. 1.30 కోట్లకు చేరువలో కేసులు
By
Published : Jul 12, 2020, 6:37 PM IST
ప్రపంచవ్యాప్తంగా కరోనా కేసుల సంఖ్య కోటీ ముప్పై లక్షలకు చేరువైంది. ఇప్పటి వరకు 5.68 లక్షలకుపైగా వైరస్ బారినపడి మరణించారు. అమెరికా, బ్రెజిల్, రష్యా, పెరు వంటి దేశాలపై వైరస్ ప్రభావం అధికంగా ఉంది.
మొత్తం కేసులు: 12,872,655
మొత్తం మరణాలు: 568,314
కోలుకున్నవారు: 7,502,178
యాక్టివ్ కేసులు: 4,802,163
పాక్లో విజృంభణ..
పాకిస్థాన్లో కరోనా వైరస్ విజృంభిస్తోంది. కొత్తగా 2,521 మందికి వైరస్ పాజిటివ్గా తేలింది. మొత్తం కేసుల సంఖ్య 2,48,872కు, మరణాలు 5,197కు చేరాయి. ఇప్పటి వరకు 1,56,700 మంది వైరస్ నుంచి కోలుకున్నారు.
దక్షిణ కొరియాలో..
కరోనా వైరస్ను కట్టడి చేయటంలో విజయవంతమైన దక్షిణ కొరియాలో ఈ మహమ్మారి క్రమంగా విజృంభిస్తోంది. 44 కొత్త కేసులు నమోదయ్యాయి. దేశవ్యాప్తంగా మొత్తం కేసుల సంఖ్య 13,417కు, మరణాలు 289కు చేరాయి.
నేపాల్లో..
నేపాల్లో కరోనా మహమ్మారి వేగంగా వ్యాప్తి చెందుతోంది. 82 కొత్త కేసులు నమోదయ్యాయి. 38 మంది ప్రాణాలు కోల్పోయారు. మొత్తం కేసుల సంఖ్య 16,801కి చేరింది. 8,589 మంది వైరస్ నుంచి కోలుకున్నారు. రికవరీ రేటు 51.1శాతానికి చేరినట్లు అధికారులు వెల్లడించారు.
