ఇండోనేసియా బాలీలో 6.3 తీవ్రతతో భూకంపం

ఇండోనేసియాలో మరోసారి భారీ భూకంపం సంభవించింది. దక్షిణ ఇండోనేసియా దీవుల్లో సంభవించిన ఈ భూకంప తీవ్రత రిక్టర్​ స్కేలుపై 6.3గా నమోదైనట్లు అధికారులు తెలిపారు.

ఇండోనేసియాలోని బాలీ దీవిలో భారీ భూకంపం సంభవించింది. రిక్టర్​ స్కేలుపై 6.3గా తీవ్రత నమోదైనట్లు అమెరికా భౌగోళిక సంస్థ(యూఎస్​జీఎస్​) తెలిపింది. దక్షిణ ఇండోనేసియా దీవుల్లోని బాలీ ప్రాంతంలో భారత కాలమానం ప్రకారం సాయంత్రం 5:45 గంటలకు భూమి కంపించింది.

నుసా దువా పట్టణానికి దక్షిణాన సుమారు 255 కిలోమీటర్ల దూరంలో 10 కిలోమీటర్ల లోతులో భూకంప కేంద్రం ఉన్నట్లు అధికారులు తెలిపారు.

ఇదీ చదవండి:కలుషిత గాలి పీల్చుతున్నారా? అయితే బరువు పెరగడం ఖాయం!